ՀՊՏՀ ներկայացուցիչները մասնակցել են Լինշոպինգի համալսարանում կայացած աշխատաժողովին
Հայաստանի պետական տնտեսագիտական համալսարանում իրականացվող «Հետազոտության ոլորտում համագործակցության հնարավորությունների ընդլայնում» ծրագրի շրջանակում ծրագրի ՀՊՏՀ համակարգող, համալսարանի ֆոնդահայթայթման բաժնի պետ Ներսես Գևորգյանը և արտաքին կապերի դեպարտամենտի տնօրեն Լուսինե Դանիելյանը ս․թ․ օգոստոսի 14-16-ը մասնակցել են Լինշոպինգի համալսարանում (Շվեդիա) կայացած աշխատաժողովին։
Մասնակիցները հնարավորություն են ունեցել լսելու արտասահմանյան գործընկերների ելույթները հետազոտությունների միջազգայնացման, միջազգայնացման ռազմավարության և ֆինանսավորման հնարավորությունների մասին, իսկ խմբային քննարկումներում նախանշել են առաջիկա խնդիրներն ու անելիքները:
«Հետազոտության ոլորտում համագործակցության հնարավորությունների ընդլայնում» ծրագրի նպատակն է բարձրացնել համալսարանի որոշումներ ընդունողների, հետազոտական ստորաբաժանումների ղեկավարների հմտություններն ու գիտելիքները հետազոտության միջազգայնացման գործընթացի և գործունեության կառավարման վերաբերյալ՝ Լինշոպինգի համալսարանի վերահսկողության ներքո:
Ծրագրի նպատակն է նաև մշակել համալսարանական կարգ և ընթացակարգ՝ շվեդական փորձի հիման վրա հետազոտությունների միջազգայնացման գործընթացը կառավարելու համար:
Ծրագրի գործընկերներն են Լինշոպինգի համալսարանը (նախագծի համակարգող, Շվեդիա), ՀՊՏՀ-ն, ՃՇՀԱՀ-ը (ՀՀ) և Կոմրատի պետական համալսարանը (Մոլդովա)։