Համալսարանի «անգլախոսները» խորացնում են տնտեսագիտական գիտելիքները

Դիտումների քանակ՝ 971

«Անգլախոսների ակումբի» անդամների և լեզուների ամբիոնի դասախոսների ու աշխատակիցների երեկվա հյուրը կրկին Պամելա Կարգն էր, ով դասավանդում է  Հայաստանի ազգային ագրարային համալսարանի Ագրոբիզնեսի ուսումնական կենտրոնում:

Պամելա Կարգը շարունակեց նախորդ դասախոսության՝ «Կոոպերատիվներ. Rochdale Principles» թեման՝ տնտեսության մեջ Ռոչդելյան 7 գործարար սկզբունքները: Լսարանը հաճելի սպասման մեջ էր, քանի որ դասախոսի նախորդ  երկու հանդիպումները վառ տպավորություն էին թողել և նոր սպասումներ ձևավորել: Կրկին դասախոսությունը ինտերակտիվ մեթոդով էր, խաղային եղանակով, և լսարանն անմիջականորեն ներգրավվեց քննարկմանը:

Բանախոսն այս դասախոսությամբ ներկայացրեց կոոպերատիվների գործունեության հաջորդական փուլերը, անդրադարձավ գործարար հմտությունների ու հաջող ձեռներեցության ձևավորման ու կատարելագործման հիմնադրույթներին:

Ուսանողները հարցեր ուղղեցին բանախոսին, պատասխանեցին առաջադրված հարցերին և վերջում շնորհակալություն հայտնեցին ուսանելի, հագեցած հանդիպման համար:

ՀՊՏՀ Լրատվության և հասարակայնության հետ կապերի բաժին