ՀՊՏՀ-ականները՝ արյունատվական բարեգործական նախաձեռնության մասնակից
![](https://asue.am/images/1521712730/2cdf4fc475e906302db15fdd.jpg)
Տնտեսագիտական համալսարանի ուսանողները առանձնակի են կարևորում բարեգործական ու մարդասիրական նախաձեռնությունները և միշտ դրանցում մասնակցություն ունենալու պատրաստակամություն են դրսևորում: Տարեկան մի քանի անգամ, ուսանողական խորհրդի նախաձեռնությամբ, ՀՊՏՀ-ականները մասնակցում են արյունատվական ակցիաների:
Արյան անհրաժեշտ պաշարները լրացնելու նպատակով համապատասխան դոնորներ ներգրավելու համար իրականացվող հետազոտությունների շրջանակում երեկ մեր համալսարան են այցելել Ռուբեն Յոլյանի անվան արյունաբանական կենտրոնի աշխատակիցները: Արյունատվությանը մասնակցել են մի խումբ ուսանողներ, բարեգործությանը միացել են պրոֆեսորադասախոսական կազմի անդամներ: Հետազոտության արդյունքում ընտրվելու են արյան փոխներարկման դոնորներ:
Լուսանկարը՝ ՈւԽ-ից:
ՀՊՏՀ Լրատվության և հասարակայնության հետ կապերի բաժին