«Տեղեկատվական անվտանգության մարտահրավերները նոր աշխարհակարգի ձևավորման համատեքստում. հայացք Հայաստանից». Վարդան Աթոյանի հոդվածը՝ միջազգային գիտական պարբերականում

ՀՊՏՀ «Ամբերդ» հետազոտական կենտրոնի «Ազգային անվտանգության հետազոտություններ» ծրագրի տնօրեն, տ.գ.թ. Վարդան Աթոյանը հերթական գիտական հրապարակմամբ է հանդես եկել արտերկրի գիտական պարբերականում: «Տեղեկատվական անվտանգության մարտահրավերները նոր աշխարհակարգի ձևավորման համատեքստում. հայացք Հայաստանից» վերտառությամբ հոդվածը լույս է ընծայվել Սոֆիայի Սբ. Կլիմենտ Օրհիդսկու անվան համալսարանի մագիստրոսական, դոկտորական և հետդոկտորական հետազոտությունների «Վիա Եվրասիա» կենտրոնի «ALMANACH VIA EVRASIA» հանդեսում: Հրապարակմանը կարող եք ծանոթանալ հետևյալ հղումով՝ http://www.viaevrasia.com/documents/4.%20VARDAN%20ATOYAN.%20VIA%20EVRASIA,%202014,%203.pdf:

Հոդվածում հեղինակն անդրադառնում է արդի ժամանակներում տեղեկատվական անվտանգության մարտահրավերներին:  Ընդգծելով հիմնախնդրի արդիականությունը՝ մեզ հետ զրույցում Վարդան Աթոյանը նշեց. «Գիտության, տեխնիկայի, արտադրության ոլորտներում արմատական փոփոխություններով բնութագրվող պոստինդուստրիալ հասարակության ներկայիս դարաշրջանում  պետությունները բախվել են նոր սերնդի գլոբալ համակարգային մարտահրավերներին դիմակայելու անհրաժեշտությանը: Դրանցում առանցքային տեղ է զբաղեցնում տեղեկատվական անվտանգության ապահովման խնդիրը, որն առնչվում է մարդու, հասարակության և պետության կենսագործունեության բոլոր ոլորտներին: Հենց վերոնշյալ հարցերի քննարկմանն էլ նվիրված է վերոնշյալ հոդվածը»:

ՀՊՏՀ Լրատվության և հասարակայնության հետ կապերի բաժին