Հայաստանի ուսանողական մարզական 15-րդ խաղերի մասնակից ՀՊՏՀ թիմն արձանագրել է առաջին հաջողությունը
ՀՊՏՀ ֆուտզալի հավաքականն այսօր Հայաստանի ուսանողական մարզական 15-րդ խաղերի շրջանակներում անցկացվող ֆուտզալի մրցումներում հաղթել է Ճարտարապետության և շինարարության Հայաստանի ազգային համալսարանի թիմին՝ 16:2 հաշվով: Մեր տղաները խմբային փուլից դուրս են եկել քառորդ եզրափակիչ:
Այս մասին ՀՊՏՀ լրատվության և հասարակայնության հետ կապերի բաժնին տեղեկացրեց ՀՊՏՀ ուսանողների և շրջանավարտների հետ աշխատանքների գծով պրոռեկտոր Սևակ Խաչատրյանը:
Նշենք, որ ՀՊՏՀ ֆիզդաստիարակության, ԱԻ և քաղպաշտպանության ամբիոնի փոխանցմամբ՝ ֆուտզալի մրցումները մեկնարկել են երեկ՝ նոյեմբերի 3-ին և կտևեն մինչև նոյեմբերի 7-ը: Տնտեսագիտական համալսարանի թիմն այս տարվա մրցույթին այսօր մասնակցել է առաջին անգամ:
Հ.Գ. Լուսանկարում ՀՊՏՀ ֆուտզալի հավաքականն է՝ Ռոտերդամում անցկացված համաեվրոպական ուսանողական մարզական 2-րդ խաղերի մասնակցության ժամանակ:
ՀՊՏՀ Լրատվության և հասարակայնության հետ կապերի բաժին