Լույս է տեսել «Հայաստանի Հանրապետության տնտեսությունը կարգավորող ինստիտուտները գլոբալացման պայմաններում» աշխատությունը
ՀՊՏՀ գիտական խորհրդի երաշխավորությամբ լույս է տեսել միջազգային տնտեսական հարաբերությունների ամբիոնի դոցենտ Դավիթ Հախվերդյանի «Հայաստանի Հանրապետության տնտեսությունը կարգավորող ինստիտուտները գլոբալացման պայմաններում» աշխատությունը:
Աշխատությունում, ըստ ծանոթագրության, հեղինակը ներկայացնում է ինստիտուտների և տնտեսական աճի փոխկապակցվածության տեսական հիմքերը, գնահատում ինստիտուտների հիմնական խմբերը, ինչպես նաև ինստիտուցիոնալ գործոնների ազդեցությունը երկրների տնտեսական աճի վրա: Գիտնականը անդրադառնում է Հայաստանի ինստիտուցիոնալ միջավայրի ընթացիկ վիճակին և զարգացման դինամիկան վերլուծում ու գնահատում համաշխարհային տնտեսության զարգացման համատեքստում, մոդիֆիկացված գրավիտացիոն մոդելի կիրառմամբ հետազոտում է նաև ՀՀ համեմատական ինստիտուցիոնալ դինամիկան, ներկայացնում իր տեսակետները Հայաստանի ինստիտուցիոնալ զարգացման առաջնահերթությունների վերաբերյալ:
Աշխատությունը նախատեսված է ուսանողների, ասպիրանտների, դասախոսների, պետական մարմինների, առևտրային կազմակերպությունների աշխատողների, ինչպես նաև բոլոր նրանց համար, ովքեր հետաքրքրված են համաշխարհային ինստիտուցիոնալ միջավայրով և դրանցում Հայաստանի Հանրապետության մասնակցության հիմնախնդիրներով:
Շնորհավորում ենք Դավիթ Հախվերդյանին գրքի լույսընծայման առիթով և մաղթում նորանոր հաջողություններ:
ՀՊՏՀ Լրատվության և հասարակայնության հետ կապերի բաժին