2012-2013 ուսումնական տարում ՀՊՏՀ են ընդունվել 29 սփյուռքահայ դիմորդներ

29  սփյուռքահայ դիմորդներ, ովքեր հաղթահարել են գիտելիքների ստուգման շեմը, ՀՀ ԿԳ նախարարության ցուցումով, այսօր հրամանագրվել են որպես ՀՊՏՀ ուսանողներ` ըստ համապատասխան  մասնագիտությունների: Այս մասին լրատվության և հասարակայնության հետ կապերի բաժնին հայտնեց ՀՊՏՀ ընդունող հանձնաժողովի պատասխանատու քարտուղար Միքայել Թավադյանը: Վերջինս տեղեկացրեց նաև, որ Վրաստանից, Ռուսաստանից, ԱՄՆ-ից, Լիտվայից և Սիրիայից ժամանած դիմորդներն ընդունվել են ֆինանսներ, հաշվապահական հաշվառում, կառավարում, տեղեկատվական տեխնոլոգիաների կառավարում, միջազգային տնտեսական հարաբերություններ, բիզնեսի կազմակերպում, ձեռնարկությունների տնտեսագիտություն և կառավարում մասնագիտություններով: