Մեր բուհի ֆուտբոլի հավաքականը հաղթեց Հայաստանի պետական ագրարային համալսարանի թիմին

Հանրապետական ուսանողական 13–րդ մարզական խաղերի ֆուտբոլի առաջնությունում ՀՊՏՀ ֆուտբոլի հավաքականն այսօր իր ուժերը չափեց Հայաստանի պետական ագրարային համալսարանի թիմի հետ: Այս անգամ ևս մեր տղաները հուսախաբ չարեցին և մրցակցին հաղթեցին 8:5 հաշվով: 
Այսպիսով` ՀՊՏՀ հավաքականը իր ենթախմբում զբաղեցնելով առաջին հորիզոնականը` դուրս եկավ կիսաեզրափակիչ: 
Տեղեկացնենք, որ մյուս ենթախմբերից կիսաեզրափակիչ են դուրս եկել Երևանի պետական, Երևանի ճարտարապետաշինարարական և Հայաստանի պետական ճարտարագիտական համալսարանների ֆուտբոլի հավաքականները: 
Վաղը, ժամը 12.00-ին մեր ֆուտբոլիստները կմրցեն Երևանի պետական ճարտարապետաշինարարական համալսարանի հավաքականի հետ:
Հիշեցնենք` կիսաեզրափակչի խաղերը տեղի կունենան Հայաստանի պետական ճարտարագիտական համալսարանի մարզադահլիճում:
ՀՊՏՀ հավաքականին մաղթում ենք չեմպիոնական մեդալներ:

ՀՊՏՀ Լրատվության և հասարակայնության հետ կապերի բաժին