Տնտեսագիտականի բակը և հարակից տարածքը վաղ առավոտյան մաքրվեց ձյան հաստ շերտից

Առատ տեղացող ձյունը գեղեցիկ, լուսավոր ու ռոմանտիկ տրամադրությունների հետ մեկտեղ անհարմարություններ է առաջացնում: Երեկվանից սկսված և ողջ գիշեր տեղացող ձյունը  ամբողջովին ծածկել էր նաև ՀՊՏՀ բակը, որը վաղ առավոտյան մաքրվեց:

«Առավոտ վաղ ենք եկել աշխատանքի, որպեսզի կարողանանք ՀՊՏՀ բակը և տարածքը մաքրել ձյան հաստ շերտից:  Կարծում ենք` կատարված աշխատանքը կգոհացնի բոլորին»,-ՀՊՏՀ լրատվության և հասարակայնության հետ կապերի բաժնին հայտնեց վարչատնտեսական աշխատանքների գծով պրոռեկտոր Ռուդիկ Կարապետյանը:

ՀՊՏՀ աշխատակիցները շնորհակալություն են հայտնում ՀՊՏՀ պրոռեկտորին, այն բոլոր մարդկանց, որոնց ջանադիր և նվիրված աշխատանքի շնորհիվ  վերացվում են անհարմարությունները:

 ՀՊՏՀ Լրատվության և հասարակայնության հետ կապերի բաժին