ՄԵԾԱՐԵՑԻՆ ՀՈԲԵԼՅԱՐԻՆ

Դիտումների քանակ՝ 670

Նոյեմբերի 29-ին ՀՊՏՀ մեծ հանդիսասրահում տեղի ունեցավ տնտեսագիտության դոկտոր, ՀՀ գիտության և տեխնիկայի վաստակավոր գործիչ, բիզնեսի կազմակերպաման ամբիոնի պրոֆեսոր Լևոն Վարդանյանի ծննդյան 85-ամյա հոբելյանին նվիրված մեծարման հանդիսավոր արարողություն:

«Ձեր ռեկտորության տարիներին բուհն առաջընթաց ապրեց, պրոֆեսորադասախոսական կազմը համախմբվեց ղեկավարության շուրջ, ստեղծվեցին նոր, ժամանակակից տեխնիկայով համալրված լսարան-լաբորատորիաներ,  սկսվեց նոր համալիրի շինարարությունը, ավարտվեց Դիլիջանի մարզաառողջարարական ճամբարի վերակառուցումը»,- շնորհավորելով հոբելյարին այսպես գնահատեց պրոֆեսորի անցած ուղին ՀՊՏՀ ռեկտոր, տնտեսագիտության դոկտոր, պրոֆեսոր Կորյուն Աթոյանը և ռեկտորատի, պրոֆեսորադասախոսական կազմի, ուսանողության անունից հոբելյարին հանձնեց շնորհավորական ուղերձ:

Գրիգոր Տերտերյանը համառոտ ներկայացրեց հոբելյարի ծավալած գիտամանկավարժական գործունեությունը:

Պրոֆեսորին անկեղծ մաղթանքներ ու շնորհավորանքներ հղեցին  գործընկերներն ու սաները:

ՀՊՏՀ Լրատվության և հասարակայնության հետ կապերի բաժին