Կարգապահական խախտումներ թույլ տված ուսանողներին՝ խիստ նկատողություն
![](https://asue.am/images/1521710668/c49fc3421a7b1bda158d089e.jpg)
ՀՊՏՀ ռեկտորատի այսօր կայացած նիստում քննարկվեց համակարգչային քննությունների ժամանակ կարգապահական խախտումներ թույլ տված ուսանողների հարցը: Դեկաններ Միքայել Թավադյանը և Թաթուլ Մկրչտյանը զեկուցեցին իրենց ֆակուլտետներից մեկական ուսանողների կողմից թույլ տրված խախտումների մասին, երբ նրանք փորձել են քննության մասնակցել իրենց կուրսընկերոջ փոխարեն:
Ռեկտորատը որոշեց խիստ նկատողության արժանացնել կարգապահական խախտումներ թույլ տված ուսանողներին՝ որոշում ընդունելով հետագա նման դեպքերի պարագայում ուսանողներին հեռացնել համալսարանից:
![](https://asue.am/images/1521710668/5c568fa78f502384e6a9aa2a.jpg)
Ընթացիկ հարցերի շարքում անդրադարձ եղավ ՀՊՏՀ ռեկտոր, պրոֆեսոր Կորյուն Աթոյանին ուսանողների ուղղած դիմումներին, քննարկվեց ուսման վարձրավճարների հավաքագրման և զեղչերի գործընթացներին վերաբերող մի քանի հարց:
ՀՊՏՀ Լրատվության և հասարակայնության հետ կապերի բաժին