Մեկնարկել է «Level-up» միջազգային տնտեսագիտական գիտաժողովը

Դիտումների քանակ՝ 1943

ՀՊՏՀ ուսանողական խորհրդի և Հայաստանի երիտասարդական հիմնադրամի համատեղ նախաձեռնությամբ այսօր Ծաղկաձորում մեկնարկել է «Level-up» միջազգային տնտեսագիտական գիտաժողովը, որին մասնակցում են յոթ երկրի տասնչորս համալսարարանների ուսանողներ, ասպիրանտներ և երիտասարդ գիտնականներ: Գիտաժողովը կրում է «Տնտեսագիտությունը ավելի լավ տնտեսության համար» խորագիրը:

Ինչպես տեղեկացնում են ուսխորհրդականները՝ գիտաժողովի մրցութային փուլը հաղթահարել և մասնակցության հնարավորություն են ստացել այն դիմորդները, որոնց ներկայացրած հոդվածները մասնագիտական հանձնաժողովի կողմից արժանացել են առավել դրական գրախոսման:

«Level-up»-ին ընդարձակ անդրադարձ կկատարենք առաջիկայում:

Գիտաժողովը եռօրյա է, կավարտվի մայիսի 28-ին:

Հ.Գ. Լուսանկարը՝ ՀՊՏՀ ՈՒԽ ֆեյսբուքյան էջից:

ՀՊՏՀ Լրատվության և հասարակայնության հետ կապերի բաժին