ՀՊՏՀ ուսանողները միացել են ջահերով երթին
Հայաստանի պետական տնտեսագիտական համալսարանի ուսանողներն ապրիլի 23-ին միացել են ՀՅԴ երիտասարդական և ուսանողական միությունների և Հայաստանի երիտասարդական հիմնադրամի կազմակերպած ամենամյա ջահերով երթին: Հազարավոր երիտասարդներ Ազատության հրապարակից միասնաբար շարժվել են դեպի Ծիծեռնակաբերդ, ոգեկոչել Մեծ եղեռնի զոհերի հիշատակը և կոչ արել աշխարհին ու ոճրագործ Թուրքիային ճանաչել Հայոց ցեղասպանությունը: Երթին մեր ուսանողների մասնակցությունը կազմակերպել է ՀՊՏՀ ուսանողական խորհուրդը:
Ապրիլի 23-ին Եղեգնաձոր քաղաքում տեղի է ունեցել ջահերով երթ դեպի 1915 թ. Հայոց ցեղասպանության զոհերի հիշատակին նվիրված հուշակոթող, որին միացել են նաև ՀՊՏՀ Եղեգնաձորի մասնաճյուղի ուսանողները։
Լուսանկարները՝ համացանցից
ՀՊՏՀ Լրատվության և հասարակայնության հետ կապերի բաժին