Նոր մոտեցում՝ քննական գործընթացում
ՀՊՏՀ ռեկտորատն այսօր կայացած նիստում քննությունների անցկացման վերահսկողության արդյունավետության բարձրացման, ուսանողների գիտելիքների ստուգումն առավել թափանցիկ դարձնելու, քննական գործընթացի անաչառությունը երաշխավորելու նպատակով որոշեց առկա բակալավրիատի 2-4-րդ կուրսերի ուսանողների միջանկյալ համակարգչային քննություններին ներգրավել արտաքին հսկիչների, ովքեր ուսումնական բաժնի աշխատակիցների հետ միասին կվերահսկեն համահամալսարանական համակարգչային քննությունների անցկացման ընթացքը:
ՀՊՏՀ ռեկտոր Կորյուն Աթոյանը նշեց, որ սա ևս մեկ քայլ է կրթության որակի բարելավմանն ուղղված հետագա մոտեցումները հստակեցնելու համար:
Ընթացիկ հարցերի շարքում քննարկվեցին ռեկտորին ուղղված ուսանողների դիմումները:
ՀՊՏՀ Լրատվության և հասարակայնության հետ կապերի բաժին