ՀՊՏՀ գրադարանը վերսկսել է աշխատանքը և սիրով սպասում է իր այցելուներին

Դիտումների քանակ՝ 1436

ՀՊՏՀ գրադարանն այսօրվանից վերսկսել է իր աշխատանքը: Ստորև ձեզ ենք ներկայացնում գրադարանի տնօրինության՝ մեզ տրամադրած հայտարարությունը:

ՀՊՏՀ գրադարանի հարգելի այցելուներ, հիշեցնում ենք, որ գրադարանից օգտվելու կանոններին կարող եք ծանոթանալ ՀՊՏՀ պաշտոնական կայքի «էլեկտրոնային գրադարան» բաժնում հետևյալ հղումով՝ http://www.asue.am/am/գրադարան-150:

Առաջին կուրսեցիները գրադարանից կարող են օգտվել միայն հրամանագրվելուց հետո  (որպես կանոն, հրամանագրվում են ուսման վարձը սահմանված ժամկետում վճարելուց հետո), իսկ  գրադարանից օգտվելու կանոնների վերաբերյալ նրանց լրացուցիչ տեղեկատվություն կտրամադրվի առաջիկայում:

Ներկայացնում ենք առաջին կուրսեցիների՝ գրադարանից օգտվելու օրերն ըստ ֆակուլտետների (ժամանակացույցը գործում է միայն սեպտեմբեր–հոկտեմբերին)

Երկուշաբթի՝   կառավարում

Երեքշաբթի՝  ֆինանսներ

Չորեքշաբթի՝  հաշվապահական հաշվառում և աուդիտ

Հինգշաբթի՝   տնտեսության կարգավորում և միջազգային տնտես. հարաբերություններ

Ուրբաթ՝  մարքեթինգ և բիզնեսի կազմակերպում, ինֆորմատիկա և վիճակագրություն

Հավելենք, որ Զեյթունում տեղակայված ինֆորմատիկայի և վիճակագրության ֆակուլտետի  ուսանողներն օգտվում են իրենց մասնաշենքում գտնվող գրադարանի ընթերցասրահից և  Նալբանդյան 128 հասցեում գտնվող գրադարանի հիմնական ֆոնդից: Ի դեպ, գրադարանային ֆոնդի վերջին  համալրումներին, առաջարկվող գրքային ֆոնդին և գրադարանի այլ ռեսուրսներին կարող եք ծանոթանալ ՀՊՏՀ պաշտոնական կայքի էլեկտրոնային գրադարան բաժնում, ինչպես նաև գրքեր ներբեռնել բուհի տարածքում տեղադրված QR գրադարանից: Ուսանողներին հետաքրքրող այլ հարցերին սիրով կպատասխանենք նաև գրադարանի էլեկտրոնային փոստով՝ library@asue.am կամ asue.library@gmail.com  հասցեներով:

Նոր ուսումնական տարվան ընդառաջ՝ գրադարանի տնօրինությունը և աշխատակազմը պատրաստ է ընդունել մեր բուհի ուսանողներին և դասախոսներին: Մաղթում ենք բեղուն ուսումնական ու աշխատանքային տարի:

ՀՊՏՀ Լրատվության և հասարակայնության հետ կապերի բաժին