Չեխ-հայկական խառը առևտրային պալատի ներկայացուցիչները ՀՊՏՀ-ում էին

Դիտումների քանակ՝ 1259

Մեր համալսարանում այսօր հյուրընկալվել էին  Չեխ-հայկական խառը առևտրային պալատի նախագահ  Ռադեկ Կուբիչեկը, քարտուղար Իվանա Տիլկերիդուն, նշված պալատի հայաստանյան ներկայացուցչության տնօրեն  Հովհաննես Գևորգյանը:

Հյուրերը ՀՊՏՀ ուսանողներին ներկայացրեցին Լոնդոնում կազմակերպվելիք 3-շաբաթյա ամառային լեզվի դպրոցին դիմելու մանրամասներ: Ամառային դպրոցը կազմակերպում  է Չեխ-հայկական խառը առևտրային պալատը: Ներկայացուցիչները պատասխանեցին ուսանողների հարցերին:

Հանդիպումը կազմակերպվել էր ՀՊՏՀ կարիերանի և մարքեթինգի կենտրոնի և Չեխ-հայկական խառը առևտրային պալատի հայաստանյան մասնաճյուղի համագործակցության շրջանակներում: Հանդիպմանը ներկա էին կարիերայի և մարքեթինգի կենտրոնի պետ Վլադիմիր Գևորգյանը, գլխավոր մասնագետ Գրիշա Ամիրխանյանը:

Լոնդոնում կազմակերպվելիք  ամառային դպրոցի մասին մանրամասներ կարող եք գտնել armeniaonline.eu  կայքում:

ՀՊՏՀ Լրատվության և հասարակայնության հետ կապերի բաժին