Մեր ուսանող Նարեկ Մադաթյանը՝ Հայաստանի չեմպիոն
![](https://asue.am/images/1521890488/f9442f463e8f7260dcc38bd6.jpg)
Մեր համալսարանի կառավարման ֆակուլտետի 3-րդ կուրսի ուսանող Նարեկ Մադաթյանը Հայաստանի ուժային եռամարտի հրում պառկած դրությունից մրցաձևում դարձել է Հայաստանի չեմպիոն: Նարեկի մարզիչն է ՀՊՏՀ ֆիզդաստիարակության, արտակարգ իրավիճակների և քաղպաշտպանության ամբիոնի դասախոս Արման Գուլյանը: Առաջնությունն անցկացվել է Ֆիզիկական կուլտուրայի հայկական պետական ինստիտուտում: Մեր ուսանողը մրցել է մինչև 80 կգ քաշային կարգում և ցուցաբերել է 140 կգ արդյունք:
Լրատվության և հասարակայնության հետ կապերի բաժնի հետ զրույցում Հայաստանի առաջնության հաղթող Նարեկ Մադաթյանը նշեց, որ հաջորդ կարևոր մրցամարտը՝ Հայաստանի ուժային եռամարտի առաջնությունը, կկայանա 2016 թվականի նոյեմբերին, որտեղ կաշխատի պահպանել նախորդ տարիների նվաճումները:
Շնորհավորում ենք Նարեկին և Արման Գուլյանին՝ մաղթելով նոր մարզական բարձունքներ:
![](https://asue.am/images/1521617881/f1e99dbd3190052ab0a8509c.jpg)
ՀՊՏՀ Լրատվության և հասարակայնության հետ կապերի բաժին