«Բանբեր ՀՊՏՀ» գիտական հանդեսի 2021 թ. 1-ին համարը լույս է տեսել
Գիտական նոր հոդվածներով իր ընթերցողին է ներկայանում «Բանբեր ՀՊՏՀ» հանդեսը. թողարկվել է տարվա 1-ին համարը։
«Ֆինանսներ» խորագրի ներքո լույս են տեսել Լուսինե Համբարձումյանի «Կյանքի ցիկլի մոդելի կիրառման նպատակահարմարությունը ՀՀ կենսաթոշակային ֆոնդերում», Տիգրան Դավթյանի «Ժամանակակից պորտֆելային տեսության և ֆիքսված համամասնությամբ պորտֆելի ապահովագրման ռազմավարության միավորումը (կիրառությունը կենսաթոշակային ֆոնդի կառավարման համատեքստում), Մանուկ Մովսիսյանի և Գևորգ Մարտիրոսյանի «Ընթացիկ ակտիվների վերլուծության դերակատարումը կազմակերպությունների գործունեության մեջ» հոդվածները։
«Կառավարում» խորագրում Արմեն Կարախանյանի «Կոմպետենտային մոտեցումը մարդկային ռեսուրսների հավաքագրման գործընթացում» հոդվածն է։ «Գործարարություն և ձեռնարկատիրություն» խորագրում կարող եք ընթերցել Արևիկ Հովհաննիսյանի և Սիրանուշ Չթեյանի «Գործարար միջավայրի կարգավորմանն ուղղված պետական քաղաքականությունը ՀՀ-ում», Մարե Խաչատրյանի, Հայկ Քալանթարյանի «Վենչուրային գործունեության զարգացման հիմնահարցերը Հայաստանում՝ միջազգային փորձի համատեքստում» հոդվածները։ «Միջազգային տնտեսագիտություն» խորագրի ներքո Էրիկ Համբարձումյանի և Սուսաննա Մխիթարյանի «Եկամուտների անհավասարաչափ բաշխման դրսևորումները զարգացող և զարգացած երկրներում», Լուսինե Ստեփանյանի
«ՀՀ հեռահաղորդակցության շուկայի միջազգայնացման հիմնախնդիրները», Լուսինե Հարությունյանի «Մետաղական հանքարդյունաբերությունը համաշխարհային տնտեսության զարգացման համատեքստում», Վռամ Կարապետյանի «ՀՀ արտադրական մասնագիտացման գնահատականը ԵԱՏՄ անդամակցության համատեքստում» հոդվածներն են։
«Հայագիտություն» խորագիրն այս համարում ներկայացնում է Արման Անդրիկյանը՝ «Իրանահայ հոգևոր թեմերի գրչության կենտրոնները XIV-XV դարերում» հոդվածով։ «Դասավանդման մեթոդաբանություն» խորագրում Գևորգ Հակոբյանի «Հայաստանյան բուհերում դասավանդվող փիլիսոփայական գիտակարգերի հերթագայման հիմնախնդրի շուրջ» հոդվածն է։
Գիտական հանդեսի այս համարի էլեկտրոնային տարբերակը՝ այստեղ։
ՀՊՏՀ մարքեթինգի և հասարակայնության հետ կապերի բաժին