Անցկացվեց անգլերենի վերջին քննությունը
«Էրազմուս+» ծրագրով հետաքրքրված ՀՊՏՀ-ականների ևս 1 խումբ՝ 21 ուսանող այսօր մասնակցեց արտաքին կապերի բաժնի կազմակերպած անգլերենի քննությանը: Այս կիսամյակում սա վերջին ստուգատեսն էր:
Նշենք, որ մեր համալսարանի գործընկեր արտերկրի բուհերում 2017-2018 ուստարվա 2-րդ կիսամյակում ուսումնառելու համար մրցույթի պայմաններից մեկն անգլերենի իմացությունն է. դիմորդը պետք է ներկայացնի համապատասխան փաստաթուղթ (օրինակ TOEFL), իսկ այն չունեցողների համար արտաքին կապերի բաժինը հատուկ հնարավորություն է ստեղծում՝ ՀՊՏՀ-ում կազմակերպելով քննություններ:
«Էրազմուս+» ծրագրի մասին տեղեկություններ կարող եք կարդալ ՀՊՏՀ պաշտոնական կայքի «Միջազգային ծրագրեր» խորագրում:
Դիմորդներին մաղթում ենք հաջողություն:
ՀՊՏՀ Լրատվության և հասարակայնության հետ կապերի բաժին