Տնտեսագիտական համալսարանում տրվեց հերթական կարճաժամկետ դասընթացի մեկնարկը

26.11.2019
կարճաժամկետ դասընթացի Մայիս Մարգարյանը «Խորացված MS EXCEL»
Դիտումների քանակ՝ 3588

Կարճաժամկետ դասընթացի ծառայությունների ոլորտում դիրքավորվող Տնտեսագիտական համալսարանում երեկ տրվեց հերթական՝ «Խորացված MS EXCEL» դասընթացի մեկնարկը: Դասընթացով հետաքրքրվել և մասնակցության հայտ էր ներկայացրել շուրջ 2 տասնյակ մարդ:

8 հանդիպումից բաղկացած դասընթացը վարում է «Էքսելիստ» ընկերության հիմնադիր-տնօրեն Մայիս Մարգարյանը, ում ղեկավարած ընկերության տրամադրության տակ են հետևյալ ռեսուրսները`

Դասընթացը բացեց և մասնակիցներին ողջունեց ՀՊՏՀ ուսումնական աշխատանքների գծով պրոռեկտոր Արմեն Գրիգորյանը` ներկայացնելով հմուտ դասընթացավարին և անդրադառնալով ծրագրի կարևորությանը: Պրոռեկտորը նշեց, որ Մայիս Մարգարյանը պրոֆեսիոնալ «Էքսելի» դասավանդման և վերապատրաստման շուկայում ամենաարդյունավետ ծրագրեր իրականացնող «Էքսելիստ» ակումբի հիմնադիրն է, որի մրցակցային առավելությունը կայանում է ոչ միայն ծրագրի դասավանդման կառուցվածքի և մեթոդաբանության մեջ, այլև նրանում, որ դասընթացների մասնակիցները հետագայում անընդհատաբար հնարավորություն են ունենում online ռեժիմում խորհրդատվություն ստանալ ակումբի մասնակիցներից: Ակումբը «Էքսելի» պրոֆեսիոնալ կիրառման հմտություն ունեցող անձանց ամենամեծ ցանցերից մեկն է Հայաստանում: «Ընդ որում պրոֆեսիոնալ «Էքսելի» կադրեր որոնող գործատուների մեծամասնությունը հենց այս ընկերությանն է դիմում թեկնածու առաջարկելու խնդրանքով, ինչը նույնպես ծրագրի մասնակիցների հետագա աշխատանքային հնարավորության տեսանկյունից առավելության է վերածվում: Այդ առումով մենք ուրախ ենք, որ մեր համալսարանի շրջանավարտ Մայիս Մարգարյանը համաձայնեց ՀՊՏՀ-ում նունպես իրականացնել կարճաժամկետ դասընթաց: Ես ավելի քան վստահ եմ, որ ծրագրի հաջորդ փուլում մենք, հանձինս Ձեզ, կունենանք այլոց մասնակցությունը իրենց օրինակով խրախուսող տասնյակ շահակիցներ»,- ասաց Արմեն Գրիգորյանը:

«Էքսելիստ» ընկերության հիմնադիր-տնօրեն Մայիս Մարգարյանին asue.am-ը խնդրեց ներկայացնել՝ դասընթացի իմացությունը մեր օրերում հատկապես ո՞ր ոլորտի մասնագետների համար է կարևոր, ի՞նչ հիմնական գիտելիքներ կտա այն:

«Կարելի է ասել, որ «Էքսելը»  պետք է ամենուր, ուր կա տվյալների հաշվառում ու մշակում՝ սկսած պտուղ-բանջարեղենի խանութպանից, ով հաշվարկը տետրում է անում, վերջացրած վիճակագրական բարդ վերլուծություններով զբաղվող տնտեսագետով: Դասընթացը թույլ կտա արդյունավետ օգտագործել ծրագրի հնարավորությունները՝ ավտոմատացնելով հաշվողական ու վերլուծական աշխատանքները, նվազեցնելով սխալվելու և այլ ռիսկերը, վիզուալացնելով և հեշտ ընկալելի դարձնելով տվյալների տված պատկերը»,- ասաց Մայիս Մարգարյանը:

Անդրադառնալով ծրագրի առանցքային բովանդակությանը՝ նա նշեց. «Սա հիմնական ու շատ լուրջ առարկա է: Ծրագրում ներառված են «Էքսելի»  այն գործիքների համախումբը, որը, կոպիտ ասած, թույլ կտա «Էքսելից» օգտվողների մեծ մասին 100 տոկոսով բավարարել իրենց պահանջմունքները և լուծել աշխատանքային խնդիրները: Մնացած՝ ավելի փոքր մասին այդպիսի պահանջմունքները բավարարելու համար անհրաժեշտ կլինեն նոր գործիքներ, սակայն այդպիսիք անհրաժեշտ են միայն ամենանեղ մասնագետներին»:

Դասընթացի ուսումնական պլանին կարող եք ծանոթանալ այստեղ:

Հիշեցնենք, որ ՀՊՏՀ-ում մեկնարկել են մի շարք կարճաժամկետ դասընթացներ: Հոկտեմբերին սկսվեց «Աշխատակազմի կառավարման հարցերով զբաղվող մասնագետների վերապատրաստում» դասընթացը, այնուհետև՝ «Նախագծերի կառավարման հիմունքներ»-ը, իսկ դեկտեմբերի 6-ին կսկսվի «Հոսպիտալ մենեջմենթ»-ը:

Դասընթացները կազմակերպում է ՀՊՏՀ շարունակական կրթության և վերապատրաստումների բաժինը: Դասընթացների ավարտին մասնակիցներին տրվում են հավաստագրեր: ՀՊՏՀ ուսանողները և աշխատակիցները դասընթացներին մասնակցում են 30 տոկոս, իսկ շրջանավարտները՝ 10 տոկոս զեղչով:

ՀՊՏՀ Լրատվության և հասարակայնության հետ կապերի բաժին