Բաց դռների օր՝ ՄԱԿ-ի ավանդապահ գրադարանում

ՄԱԿ-ի օրվան  (նշվում է հոկտեմբերի 24-ին) նվիրված միջոցառումների շրջանակներում, վաղը՝ հոկտեմբերի 23-ին, ժամը 15.00-17.00-ն ՄԱԿ-ի հայաստանյան գրասենյակը  հայտարարում է Բաց դռների օր: Այն տեղի կունենա Հայաստանի ազգային գրադարանի (հասցե՝ Երևան, Տերյան 72) ընդհանուր ընթերցասրահում, որտեղ տեղակայված է ՄԱԿ-ի ավանդապահ գրադարանի հիմնական ֆոնդը: Այցելուները հնարավորություն կունենան ծանոթանալու ՄԱԿ-ի՝ Հայաստանում գործող տարբեր գործակալությունների, հիմնադրամների և ծրագրերի հրատարակություններին  (ՄԱԿ-ի արժեքներն ու գործունեությունը լուսաբանող գրքեր, տեղեկատվական և ծրագրային նյութեր, պաստառներ և այլն): 
Ցանկության դեպքում այցելուներին կտրամադրվի իրենց հետաքրքրող՝ տեղում ցուցադրվող հրատարակություններից։

Տեղեկատվությունը՝ ՀՊՏՀ գրադարանի տնօրինությունից: