Թրփենճեան կրթաթոշակային ծրագիր

Հայաստանի ամերիկյան համալսարանը (ՀԱՀ)  ներկայացնում է Թրփենճեան ընտանեկան հիմնադրամի կրթաթոշակային ծրագիրը` 2013-2014 ուստարվա համար:

Այս մասին տեղեկանում ենք   ԿԳՆ պաշտոնական  կայքից  / edu.am/ :

Կարիքի հիման վրա շնորհվող կրթաթոշակային այս ծրագիրը նախատեսված է հոգալու սոցիալապես անապահով խավին պատկանող ուսանողների ուսման ծախսերը: Այս կրթաթոշակային ծրագիրը հնարավորություն է տալիս իր սաներին  երկարատև ներդրում ունենալ Հայաստանի գիտական, քաղաքական, հասարակական և տնտեսական զարգացման մեջ:

Թրփեճեան ընտանեկան հիմնադրամի կրթաթոշակային ծրագիրն ուղղված է մասամբ հոգալու ուսանողի ուսման վարձն իր ուսումնառության ընթացքում /մինչև 2014-2015/ պայմանով, որ ուսանողն ունենա լավ ուսումնական առաջադիմություն: Կրթաթոշակները կփոխանցվեն ուղղակիորեն դիմորդի ԲՈՒՀ-ին:

Թրփենճեան ընտանեկան հիմնադրամի կրթաթոշակային ծրագիրը նախատեսված է Հայաստանի պետական կամ հավատարմագրված ԲՈՒՀ-երից մեկում բակալավրիատում սովորող  ուսանողների համար:2013-2014 ուստարվա համար Թրփենճեան ընտանեկան հիմնադրամի կրթաթոշակային ծրագիրը կհովանավորի միայն Արմավիրի մարզի մշտական բնակիչ  ուսանողներին:Այս կրթաթոշակային ծրագրին կարող են դիմել միայն 26 տարին չլրացած ուսանողներ:

Ծրագրին դիմելու համար պետք է լրացնել ՀԱՀ  Թրփենճեան ընտանեկան հիմնադրամի դիմումաձևը և համապատասխան փաստաթղթերի հետ այն հանձնել ՀԱՀ` մինչև 2013թ. օգոստոսի 9-ը : Դիմումաձևը կարող եք ձեռք բերել նաև ՀԱՀ-ի ինտերնետային կայքից` http://aua.am/turpanjian-and-akian-scholarships :

Հարցերի համար կարող եք դիմել ՀԱՀ-ի Ուսանողական և ուսումնական հարցերի բաժին, Բաղրամյան պողոտա 40, հեռ.` 51 27 97:

Աղբյուրը՝ http://edu.am/index.php?id=-6110&topMenu=4&menu1=-1&menu2=4&arch=0