Կրթաթոշակի մրցույթ՝ բակալավրիատի ուսանողների համար
Հայաստանի պետական տնտեսագիտական համալսարանի և բելգիական Հասսելթի համալսարանի միջև «Էրասմուս+» ծրագրի շրջանակներում կնքված պայմանագրի համաձայն՝ Հայաստանի պետական տնտեսագիտական համալսարանի բակալավրիատի 2-րդ և 3-րդ կուրսի 2 ուսանողի հնարավորություն կտվի 2016-2017 ուսումնական տարվա երկրորդ կիսամյակն անցկացնել վերոնշյալ բուհում:
Այս մասին հայտնում են արտաքին կապերի բաժնից՝ հավելելով, որ ծրագրին դիմելու վերջնաժամկերըս.թ. հոկտեմբերի 13-նէ, որից հետո ընտրված ուսանողների վերաբերյալ տեղեկատվությունը մինչև ս.թ. հոկտեմբերի 14-ը կներկայացվի գործընկեր համալսարանին:
Ծրագրով հետաքրքրված ուսանողները պետք է մինչև ս.թ. հոկտեմբերի 13-ը, ժամը 23:59-ը արտաքին կապերի բաժնի asue.erasmus@gmail.com էլ-փոստին ուղարկեն՝
- Ինքնակենսագրություն Europass CV ֆորմատով
- Մոտիվացիոն նամակ
- Ստուգման գրքույկի լուսապատճեն
- Անգլերեն լեզվի իմացությունը հավաստող փաստաթուղթ (TOEFL, IELTS)
Այն ուսանողները, ովքեր չունեն լեզվի իմացությունը հավաստող փաստաթուղթ, կարող են հանձնել անգլերեն լեզվի քննություն ՀՊՏՀ-ում: Քննության օրվա և ժամի վերաբերյալ կտրամադրվի լրացուցիչ տեղեկատվություն:
Հիշեցնենք, որ երկուշաբթի՝ հոկտեմբերի 10-ին տեղի կունենա վերոնշյալ ծրագրերի վերաբերյալ տեղեկատվական հանդիպում, որի մասին տեղեկատվությունը հասանելի է հետևյալ հղումով: