Մրցույթ «Հորիզոն-2020»-ի շրջանակներում
Եվրամիության գիտական հետազոտությունների և տեխնոլոգիաների զարգացման 8-րդ՝ «Հորիզոն-2020» յոթամյա ֆինանսավորման շրջանակային ծրագրի INCONET EAP նախագծի երկարաձգման կապակցությամբ «Էներգիա, առողջապահություն և կլիմայի փոփոխություն» սոցիալական մարտահրավերների շրջանակներում ՀՀ ԳԱԱ-ն հայտարարում է ճամփորդական դրամաշնորհային մրցույթ:
Մրցույթին կարող են մասնակցել ՀՊՏՀ պրոֆեսորադասախոսական կազմի այն ներկայացուցիչները, ովքեր ունեն տնտեսագիտության թեկնածուի կամ դոկտորի գիտական աստիճան, վերոնշյալ ոլորտներում գիտահետազոտական աշխատանքների իրականացման բազմամյա փորձ և գիտական հրապարակումներ:
Ճամփորդական դրամաշնորհային մրցույթի շրջանակներում նախատեսվում են հետևյալ միջոցառումները.
- Առողջապահության «MEDICA 2016» խորագրով խորհրդակցություն /2016թ. նոյեմբերի 15-17ը Գերմանիայի Դյուսելդորֆ քաղաքում: Հայտերի ներկայացման վերջնաժամկետն է 2016թ. նոյեմբերի 2-ը/:
- Կլիմայի փոփոխության և էներգիայի «Կանաչ օրեր» խորագրով խորհրդակցություն /2016թ. նոյեմբերի 29-ից դեկտեմբերի 2-ը Ֆրանսիայի Լիոն քաղաքում: Հայտերի ներկայացման վերջնաժամկետն է 2016թ. նոյեմբերի 28-ը/:
Վերոնշյալ խորհրդակցությունների անցկացման նպատակն է եվրոպական բուհերի հետ գործընկերության հաստատումը և միասնական դրամաշնորհային համատեղ ծրագրի ներկայացումը «Հորիզոն-2020-ի» համապատասխան դրամաշնորհային մրցույթներին մասնակցելու նպատակով:
Հայտերի լրացման ձևաչափերի և այլ մանրամասն տեղեկատվություն ստանալու համար կարող եք դիմել ՀՊՏՀ գիտության և ասպիրանտուրայի բաժին: