Հայտարարվում է ՀՊՏՀ ասպիրանտուրայի բաժնի պետի թափուր հաստիքի մրցույթ

Հայաստանի պետական տնտեսագիտական համալսարանը հրավիրում է ասպիրանտուրայի բաժնի պետի թափուր հաստիքի մրցույթին։ Համալսարանի մարդկային ռեսուրսների կառավարման բաժնից ստացված հայտարարությունն ամբողջությամբ՝ ստորև։

ԱՇԽԱՏԱՆՔԻ ՎԱՅՐ`
Հայաստանի պետական տնտեսագիտական համալսարան, ք. Երևան, Նալբանդյան 128
ՍՏՈՐԱԲԱԺԱՆՈՒՄ`
Ասպիրանտուրայի բաժին
ՊԱՇՏՈՆԸ`
Պետ
ԱՇԽԱՏԱՆՔԻ ՆԿԱՐԱԳՐՈւԹՅՈւՆ`

• կազմակերպել, ծրագրել, համակարգել, ղեկավարել և վերահսկել բաժնի ընթացիկ գործունեությունը, սահմանել աշխատանքի բաշխում բաժնի աշխատողների միջև,
• վերահսկել ու խթանել բաժնի աշխատակիցների կողմից իրենց անմիջական պարտականությունների կատարումը,
• կոորդինացնել բաժնի ռազմավարական և ընթացիկ գործունեությունը,
• համակարգել կրթության երրորդ աստիճանում կրթական գործընթացը,
• կազմակերպել ասպիրանտական կրթության ընդունելության գործընթացը,
• կազմակերպել ասպիրանտական պարտադիր և ընտրովի դասընթացները և քննությունները,
• կազմակերպել աշնանային և գարնանային քննարշրջանների որակավորման քննությունների անցկացումը,
• կազմակերպել ասպիրանտների գիտահետազոտական փորձառությունը,
• վերահսկել հետազոտողի կրթական ծրագրով նախատեսված աշխատանքների պատշաճ և ժամանակին կատարումը,
• ամփոփել ասպիրանտների տարեկան ատեստավորումների արդյունքները,
• քննարկել ատեստավորման արդյունքները ամբիոնների հետ և փնտրել ուղիներ ասպիրանտների գիտական ներուժի առավել բացահայտման և հետազոտական գործընթացում արդյունավետ ներդրման ուղղությամբ,
• նպաստել հետբուհական կրթության որակի ապահովմանը և հետբուհական համակարգի կատարելագործմանը, կրթության երրորդ աստիճանում ուսանող մասնագետների որակավորման բարձրացմանը,
• նպաստել հետբուհական կրթության երրորդ մակարդակում գիտելիքների ստուգման և որակի գնահատման համակարգի կատարելագործմանը, ներառյալ՝ կրեդիտային համակարգը, խթանել ուսուցման կազմակերպման նոր ձևերի ներդրումը,
• իրականացնել ասպիրանտների և հայցորդների կրթական ծրագրերի կատարման մշտադիտարկում,
• նպաստել կրթական ծրագրերի և գիտական հետազոտությունների համապատասխանեցմանը աշխատանքային շուկայի պահանջներին,
• խթանել երիտասարդ հետազոտողների առավելագույնս ներգրավումը գիտահետազոտական գործընթացներում,
• իրականացնել հետբուհական կրթության միջազգայնացման ուղղությամբ գործուն քայլեր և նպաստել միջազգային գիտակրթական համագործակցության զարգացմանը,
• նպաստել հետբուհական մասնագիտական կրթության համակարգի զարգացմանը և մրցունակության բարձրացմանը միջազգային ասպարեզում,
• նպաստել հետբուհական մասնագիտական կրթության մատչելիությանը,
• նպաստել տեղական և միջազգային գիտակրթական ու հետազոտական ծրագրերին մասնակցությանը և գիտական հետազոտությունների իրականացմանը,
• նպաստել վճարովի կրթական ծառայությունների մատուցմանը,
• իրականացնել համալսարանի կանոնադրությամբ, բաժնի կանոնադրությամբ, ռեկտորի հրամաններով և այլ իրավական ակտերով նախատեսված այլ գործառույթներ:

ՊԱՇՏՈՆԻ ՀԱՎԱԿՆՈՐԴԻՆ ՆԵՐԿԱՅԱՑՎՈՂ ՆՎԱԶԱԳՈւՅՆ ՊԱՀԱՆՋՆԵՐ`

• բարձրագույն կրթություն,
• առնվազն հինգ տարվա մասնագիտական աշխատանքային փորձ՝ գիտության և/կամ կրթության ոլորտում,
• ՀՀ օրենսդրության և իրավական ակտերի՝ իր լիազորությունների իրականացման հետ կապված անհրաժեշտ գիտելիքներ,
• համակարգչային տեխնիկայի գերազանց տիրապետում,
• հայերեն, անգլերեն և ռուսաց լեզուների գերազանց իմացություն,
• իր գործառույթների իրականացման համար անհրաժեշտ գիտելիքներ,
• տրամաբանելու, որոշումներ կայացնելու, բանակցելու, տարբեր իրավիճակներում կողմնորոշվելու ունակություն, թիմային գաղափարախոսությունն ընկալելու և կրելու կարողություն։

CV-ն կարող եք ուղարկել ՀՊՏՀ մարդկային ռեսուրսների կառավարման բաժնի hr@asue.am էլփոստին՝ վերնագրի դաշտում նշելով հաստիքը, որի համար դիմում եք։ Փաստաթղթերն ընդունվում են բացառապես էլեկտրոնային եղանակով։

Հարցազրույցի կհրավիրվեն CV-ի ուսումնասիրության արդյունքում ընտրված թեկնածուները։

Հայաստանի պետական տնտեսագիտական համալսարանի գործունեության վերաբերյալ մանրամասն տեղեկատվությունը հասանելի է բուհի պաշտոնական կայքում՝ հետևյալ հղմամբ: