Դրամաշնորհային մրցույթի հրավեր ՀՊՏՀ ուսանողներին

«Ինգո Արմենիա» ընկերությունը,  www.insurebusiness.am  ապահովագրական-վերլուծական կայքի հետ համատեղ, հայտարարում է դրամաշնորհային մրցույթ՝ ՀՊՏՀ ուսանողների համար։

Առաջարկվող հետազոտական թեմաներն են՝

1. «ՀՀ-ում ապահովագրության ճանաչելիության գնահատում՝ հիմնված սոցհարցումների վրա (առնվազն 2,000 հարցում, ցանկալի քանակը՝ 5,000)»,
2. «Կյանքի ապահովագրության ներդրման հնարավորությունը բանկային և կենսաթոշակային պրոդուկտների հետ միասին»,
3. «COVID–19-ի ազդեցությունը ՀՀ ապահովագրական շուկայի վրա. ներկան և ապագան»,
4. «Insuretech – թվային ապահովագրական ընկերություններն աշխարհում, և ՀՀ-ում այդպիսի ընկերության հիմնադրման հնարավորությունները»,
5. «Էլեկտրոնային կրիչների (SmartWatch, InternetofThings և այլն) կիրառելիությունը՝ ապահովագրության նոր պրոդուկտների համար»։

Մրցույթի պայմաններն են՝

✅Վերլուծական թիմերը բաղկացած են լինելու 3-4 ՀՊՏՀ ուսանողներից։ Հատուկենտ դեպքերում կդիտարկվեն 2 անձից բաղկացած թիմեր։
✅Եթե միևնույն թեմայի համար 2 և ավելի թիմեր են դիմում, 2-ն էլ իրականացնում են տվյալ թեմայի հետազոտությունը։
✅Ձևավորված թիմերը պետք է լրացնեն հետևյալ հարցաթերթը։
✅Թիմերը ձևավորելուց և հարցաթերթը լրացնելուց հետո ՀՊՏՀ ուսանողները հանդիպումներ կունենան «Ինգո Արմենիա» ընկերության աշխատակիցների հետ՝ հետազոտական ծրագրի աշխատանքային ժամանակացույցը կազմելու համար։
✅Հետազոտական աշխատանքների մեկնարկը նախատեսվում է 2021 թվականի մայիսի 1-ից, իսկ աշխատանքները տևելու են երկու ամիս։

Մրցույթի արդյունքում՝

✅լավագույն թիմը կստանա միանվագ 300,000 ՀՀ դրամ դրամաշնորհ,
✅2-րդ հորիզոնականը զբաղեցրած թիմը կստանա 200,000 ՀՀ դրամ դրամաշնորհ,
✅3-րդ հորիզոնականը զբաղեցրած թիմը կստանա 100,000 ՀՀ դրամ դրամաշնորհ,
✅4-րդ և 5-րդ հորիզոնականները զբաղեցրած թիմերը կստանան մասնակցության սերտիֆիկատներ։

Լավագույն ուսանողները «Ինգո Արմենիայում» փորձառության կամ աշխատանքի հնարավորություն կստանան, իսկ լավագույն աշխատանքները կհրապարակվեն ապահովագրական վերլուծական կայքում։

Մրցույթին դիմելու վերջնաժամկետն է ապրիլի 26-ը։

Տեղեկատվությունը՝ ՀՊՏՀ կարիերայի կենտրոնից։