Հիշեցում. ՌԴ «Տնտեսագիտության բարձրագույն դպրոց»-ի դասախոսները կհյուընկալվեն ՀՊՏՀ-ում. հրավիրվում են նաև այլ բուհերի ուսանողներ

17.02.2020 Ամբերդ
Դիտումների քանակ՝ 890

Փետրվարի 18-ին ՀՊՏՀ և ՀՀ այլ բուհերի ուսանողները հրավիրվում են մասնակցելու ՀՊՏՀ-ում կայանալիք միջոցառմանը, որի ընթացքում Մոսկվայի «Տնտեսագիտության բարձրագույն դպրոց» ազգային հետազոտական համալսարանի դասախոսները հանդես կգան կորպորատիվ ֆինանսների վերաբերյալ դասախոսություններով, այնուհետև կպատասխանեն ուսանողներին հուզող հարցերին: Բանախոսներն են նշված համալսարանի ֆինանսական դպրոցի առաջատար մասնագետներ Անաստասիա Ստեփանովան և Պավել Մալիշևը։

Դասը կանցկացվի ռուսերենով, Անաստասիա Ստեփանովան կդասախոսի «Վարքագծային կորպորատիվ ֆինանսներ կամ ինչու՞ է մարդկանց նշանակությունը այդքան մեծ բիզնեսում», Պավել Մալիշևը՝ «Ինչպե՞ս արդյունավետ կառավարել ֆինանսական միջոցները ձեռնարկություններում բարձր անորոշության պայմաններում» թեմաներով:

Մասնակցության համար անհրաժեշտ է նախօրոք գրանցվել հետևյալ հղումով. գրանցման հայտերն ընդունվում են մինչև փետրվարի 16-ը (ներառյալ)։

Միջոցառման սկիզբ՝ 11։00, ավարտ՝ 14։00։ Անցկացման վայրը՝ ՀՊՏՀ, ք. Երևան, Նալբանդյան 128, կառավարման ֆակուլտետ, նիստերի սրահ։

Տեղեկատվությունը՝ ՀՊՏՀ միջազգային կապերի բաժնից: