Միջազգային մրցույթներ. տեղեկացնում է ՀՀ ԿԳՄՍՆ-ը

ՀՀ կրթության, գիտության, մշակույթի և սպորտի նախարարության պաշտոնական կայքը տեղեկացնում է միջազգային մրցույթների մասին, որոնց կարող եք ծանոթանալ ստորև:

ՅՈՒՆԵՍԿՕ-Ճապոնիա երիտասարդ հետազոտողների կրթաթոշակային ծրագիր

ՅՈՒՆԵՍԿՕ-ի կողմից հայտարարվել է ՅՈՒՆԵՍԿՕ-Ճապոնիա երիտասարդ հետազոտողների կրթաթոշակային ծրագրի մրցույթ:  Հետազոտությունները պետք է լինեն հետևյալ ոլորտներում՝ 1.շրջակա միջավայր՝ աղետի ռիսկերի նվազեցման վրա հատուկ շեշտադրումով; 2.միջմշակութային երկխոսություն; 3.տեղեկատվական և հաղորդակցական տեխնոլոգիաներ;  4.հակամարտությունների խաղաղ կարգավորում: Յուրաքանչյուր պետություն կարող է ներկայացնել առավելագույնը երկու հայտ, որոնք պետք է ներկայացվեն ՀՀ ՅՈՒՆԵՍԿՕ-ի ազգային հանձնաժողովի քարտուղարության միջոցով։

Ավելին՝ այստեղ:

«Евразийская неделя» IV-րդ ամենամյա միջազգային համաժողով

2019 թվականի սեպտեմբերի 25-ից 27-ը Ղրղզստանի Բիշկեք քաղաքում  տեղի կունենա «Евразийская неделя» IV-րդ ամենամյա միջազգային համաժողովը: Մասնակցության գրանցման համար և առավել մանրամասն տեղեկատվություն կարելի է ստանալ www.eurasianweek.org պաշտոնական կայքէջից:

Մրցույթ` ՅՈՒՆԵՍԿՕ-ի մրցանակի համար

ՅՈՒՆԵՍԿՕ-ի կողմից հայտարարվել է կրթության մեջ տեղեկատվական և հաղորդակցության տեխնոլոգիաների մրցանակը, որի այս տարվա թեման է «Արհեստական բանականության կիրառումը կրթության և ուսուցման ինովացիայի համար»։ Մասնակցության պարագայում հարկավոր է հայտը լրացնել առցանց մինչև ս.թ. հոկտեմբերի 30-ը՝ տեղեկացնելով ՀՀ ԿԳՄՍՆ արտաքին կապերի և սփյուռքի վարչությանը: Մանրամասները՝ այստեղ: