Միջազգային մրցույթներ, կրթաթոշակային ծրագրեր. տեղեկացնում է ԿԳՄՍՆ-ն
ՀՀ կրթության, գիտության, մշակույթի և սպորտի նախարարության պաշտոնական կայքը տեղեկացնում է միջազգային նոր ծրագրերի մասին, որոնք ներկայացնում ենք ստորև:
Ուսման հրավեր (Թաիլանդի միջազգային զարգացման համագործակցության կազմակերպություն)
Թաիլանդի միջազգային զարգացման համագործակցության կազմակերպությունը (TICA) 2020թ. կրթաթոշակների շրջանակներում Թաիլանդի միջազգային ասպիրանտական ծրագրով թաիլանդական համալսարանների և ակադեմիական հաստատությունների հետ համատեղ հրավիրում է օտարերկրյա ուսանողներին դիմելու մագիստրոսի ծրագրի համար: Մանրամասն տեղեկությունների ծանոթացեք www.tica.thaigov.net կայքում։ Դիմումների ընդունման վերջնաժամկետը 2020թ. մարտի 23-ն է: Կրթաթոշակին մասնակցելու դիմումները ուղարկել international@escs.am էլ. փոստի հասցեին:
Կրթաթոշակային ծրագիր` ՅՈՒՆԵՍԿՕ-ի և Կայուն էներգիայի զարգացման միջազգային կենտրոնի կողմից
ՅՈՒՆԵՍԿՕ-ի և Կայուն էներգիայի զարգացման միջազգային կենտրոնի (ք. Մոսկվա, ՌԴ) կողմից տրամադրվում են կրթաթոշակներ:
Դիմորդներին հնարավորություն կընձեռվի 2020թ. հոկտեմբերի 5-ից 30-ը մասնակցելու Ռուսաստանի Դաշնության մասնագիտացված հաստատություններում անցկացվելիք՝ կայուն և վերականգնվող էներգիայի բնագավառում կարողությունների և մարդկային ռեսուրսների զարգացման չորսշաբաթյա վերապատրաստման դասընթացներին:
Ավելին՝ այստեղ:
Ուսման հրավեր (Հունաստան)
Հունաստանի բուհերում օտարերկրյա ուսանողների համար անգլերեն լեզվով կկազմակերպվեն բուհական և հետբուհական կրթական ծրագրեր: Դրանց մասին հայտարարվել է Աթենքում կայացած «Կառուցել միջազգային կամուրջներ. Հունաստանի համալսարանները բաց են աշխարհի առջև» խորագրով միջոցառման ընթացքում: Ծրագրերի, ինչպես նաև դրանց մասնակցության վերաբերյալ մանրամասն տեղեկատվությունը հասանելի է www.studyingreece.edu.gr կայքէջում։