«Բաց դռների օր ՀՊՏՀ-ում»՝ ձեր հաջողության ուղին սկսվում է այստեղից

ՀՊՏՀ-ն սիրով հրավիրում է բոլոր հետաքրքրված դիմորդներին մասնակցելու հերթական «Բաց դռների օր ՀՊՏՀ-ում» միջոցառմանը, որը տեղի կունենա ս․թ․ դեկտեմբերի 4-ին, ժամը 14:00-17:00-ն։

Միջոցառումը կմեկնարկի ՀՊՏՀ մեծ դահլիճում (ՀՊՏՀ գլխավոր մասնաշենքի առաջին հարկում) ժամը 14։00-ին, որի ընթացքում կներկայացվեն ՀՊՏՀ մասնագիտությունները, ընդունելության և ուսումնառության գործընթացին առնչվող մանրամասներ, ինչպես նաև համալսարանի կողմից ուսանողներին և դիմորդներին ընձեռվող այլ հնարավորություններ, այդ թվում՝ միջազգային փոխանակման ծրագրերին մասնակցություն, ուսանողական բազմաբովանդակ կյանք (մշակութային, մարզական, ճանաչողական)։

Ժամը 14։45-ից ՀՊՏՀ ֆակուլտետներում տեղադրված տաղավարներում կարող եք հանդիպել ձեր նախընտրած կրթական ծրագրերի ներկայացուցիչ դասախոսներին և ուսանողներին, նրանց հարցեր հղել ուսումնական գործընթացի, մասնագիտական հնարավորությունների և ապագայի զարգացման ուղիների վերաբերյալ, մասնակցել մրցույթների և ստանալ մրցանակներ։

Միջոցառմանը մասնակցելու համար անցե՛ք հղումով և գրանցվե՛ք՝  այստեղ։

Միացե΄ք մեզ՝ բացահայտելու ՀՊՏՀ նոր հնարավորությունները և ստանալու բոլոր հետաքրքրող հարցերի պատասխանները։

Սպասում ենք ձեզ դեկտեմբերի 4-ին՝ ՀՊՏՀ-ում (Երևան, Նալբանդյան 128)։