5-րդ նոր մագիստրոսական ծրագիրը ՀՊՏՀ-ում. «Մարդկային ռեսուրսների կառավարում»
Սիրելի դիմորդներ, շարունակում ենք ներկայացնել Հայաստանի պետական տնտեսագիտական համալսարանում գալիք՝ 2020-2021 ուսումնական տարվանից ներդրվող մագիստրոսական նոր ծրագրերը: Հերթական՝ թվով 5-րդ ծրագիրը կոչվում է «Մարդկային ռեսուրսների կառավարում» և կիրականացվի ոլորտի առաջատար կազմակերպությունների հետ համատեղ:
Ծրագրի իրականացման նպատակով համագործակցության հուշագիր է ստորագրվել ՀՊՏՀ և Յուքոմ ընկերության միջև:
Նոր մագիստրոսական ծրագիրը կիրականացվի
- Գործատուների հետ համատեղ 1,5 տարի ժամկետով
- Ոլորտի լավագույն մասնագետների ներգրավմամբ
- Նորագույն դասավանդման մեթոդների կիրառմամբ
- Երեկոյան ժամը 18:00-ից հետո
- Գործատու կազմակերպություններում փորձառության անցկացմամբ
Սիրելի դիմորդներ, «Մարդկային ռեսուրսների կառավարման» ծրագիրը հասանելի կլինի ձեզ ՀՊՏՀ պաշտոնական կայքի (asue.am) «Դիմորդ» բաժնում: Այժմ ծանոթացեք «Մարդկային ռեսուրսների կառավարում» մագիստրոսական ծրագրի մանրամասներին այստեղ:
Նախորդ ծրագրերի մանրամասներին ևս կարող եք ծանոթանալ կայքի «Դիմորդ» բաժնում՝ հետևյալ հղումով:
ՀՊՏՀ Լրատվության և հասարակայնության հետ կապերի բաժին