ՀՊՏՀ-ն հուշագիր կնքեց Աշխատանքի և սոցիալական հետազոտությունների ազգային ինստիտուտի հետ
![](https://asue.am/images/1615983116/0283647dc857abca620277f1.jpg)
Տնտեսագիտական մայր բուհն ընդլայնում է գիտական և ուսումնական ուղղություններով համագործակցության ուղիները։ Այսօր հուշագիր ստորագրվեց «Աշխատանքի և սոցիալական հետազոտությունների ազգային ինստիտուտ» ՊՈԱԿ-ի հետ․մեր համալսարանում էին նշված ինստիտուտի տնօրեն Վանանդ Կարապետյանը և փոխտնօրեն Գառնիկ Նալբանդյանը։ ՀՊՏՀ ռեկտոր Դիանա Գալոյանի հետ հանդիպման ընթացքում նրանք քննարկեցին փոխգործակցության շրջանակը։ Մասնավորապես, նախատեսվում է միջազգային ու տեղական հետազոտական ու գիտական ծրագրերի համատեղ իրականցում՝ ներգրավելով «Ամբերդ» հետազոտական կենտրոնին, ինչպես նաև փորձառությունների և ուսումնական ծրագրերի կազմակերպում։
![](https://asue.am/images/1615983116/9ee0d4fcfd07a7a8ccccd7b1.jpg)
Համագործակցության հուշագիրը ստորագրեցին ռեկտոր Դիանա Գալոյանը և տնօրեն Վանանդ Կարապետյանը։ Կողմերը արդյունավետ գործակցության վստահություն հայտնեցին։
ՀՊՏՀ Լրատվության և հասարակայնության հետ կապերի բաժին