Պրոֆեսոր Փիտր Թումանոֆը հյուրընկալվել է ՀՊՏՀ Եղեգնաձորի մասնաճյուղում
ՀՊՏՀ Եղեգնաձորի մասնաճուղում մարտի 12-ին հյուրընկալվել են «Ֆուլբրայթ» ծրագրով այս կիսամյակում մեր համալսարանում գտնվող պրոֆեսոր Փիտր Թումանոֆը, ՀՊՏՀ գիտության և արտաքին կապերի գծով պրոռեկտոր Գագիկ Վարդանյանը և արտաքին կապերի բաժնի աշխատակիցները:
Ինչպես հայտնում են ՀՊՏՀ Եղեգնաձորի մասնաճյուղից, հանդիպմանը պրոֆեսոր Փիտր Թումանոֆը բաց դաս է վարել շուրջ 80 ուսանողների մասնակցությամբ, որի ընթացքում քննարկվել են տնտեսության զարգացման վերաբերյալ դրույթներ, ապա պրոռեկտոր Գագիկ Վարդանյանը պատասխանել է ուսանողներին հետաքրքրող հարցերին: Նույն օրը, ինչպես ավելի վաղ հայտնել էինք, համալսարանի արտաքին կապերի բաժնի աշխատակիցներն ուսանողներին ներկայացրել են «Էրասմուս +» ծրագիրը:
Ինչպես ուսանողները, այնպես էլ դասախոսները մեծ հետաքրքրություն են ցուցաբերել և պայմանավորվածություն է ձեռք բերվել նմանատիպ հանդիպումները դարձնել հաճախակի:
ՀՊՏՀ Լրատվության և հասարակայնության հետ կապերի բաժին