ՀՊՏՀ-ում կկայանան միջբուհական դասախոսական խաղեր
11.01.2016
Դիտումների քանակ՝ 1372
![](https://asue.am/images/1521617881/598baeaff711ce3946303b8b.jpg)
Հունվարի 25-ին մեր համալսարանում կմեկնարկեն «ՀՊՏՀ դասախոսական խաղեր» միջբուհական մրցումները. այս մասին տեղեկացրեց մեր համալսարանի ֆիզդաստիարակության, ԱԻ և քաղպաշտպանության ամբիոնի ղեկավար Հովհաննես Գաբրիելյանը:
«Խաղերը կազմակերպում է մեր համալսարանը, արդեն հրավեր ենք ուղարկել հայաստանյան պետական 11 բուհերի, ակնկալում ենք նրանց ակտիվ մասնակցությունը և առողջ մրցակցություն: Անցկացվելու են առաջնություններ վոլեյբոլ, սեղանի թենիս, հրաձգություն մարզաձևերից»,-ասաց Հովհաննես Գաբրիելյանը:
Նշենք, որ ՀՊՏՀ-ում միջբուհական դասախոսական մարզական խաղերի անցկացման գեղեցիկ ավանդույթ է ձևավորվել:
ՀՊՏՀ Լրատվության և հասարակայնության հետ կապերի բաժին