ՀՊՏՀ-ում վերապատրաստվել է 200 քաղծառայող
Հայաստանի պետական տնտեսագիտական համալսարանում այսօր ՀՀ քաղաքացիական ծառայողների վերապատրաստման վերջին դասընթացն էր, որի ավարտից հետո քաղծառայողները ստացան հավաստագրեր:
ՀՊՏՀ շարունակական և լրացուցիչ կրթության կենտրոնի առաջատար մասնագետ Աիդա Առուստամյանը մեզ հետ զրույցում նշեց, որ այսպիսով ավարտվեցին 2015թ. մրցույթում հաղթած ծրագրով քաղծառայողների համար մեր բուհի կազմակերպած վերապատրաստման դասընթացները:
«Դասընթացները մեկնարկել էին ապրիլին և ավարտվեցին այսօր: Այս ժամանակահատվածում դասընթացներ են կազմակերպվել 7 խմբի համար, ընդհանուր թվով ՀՊՏՀ-ում վերապատրաստվել են բարձրագույն և գլխավոր, առաջատար և կրտսեր պաշտոններ զբաղեցնող 200 քաղծառայողներ»,-ասաց առաջատար մասնագետը և հավելեց, որ իրենց կենտրոնը ՀՀ քաղաքացիական ծառայության խորհրդի կողմից հայտարարված ՀՀ քաղաքացիական ծառայողների վերապատրաստման ծրագրերի մրցույթին է ներկայացրել 8 նոր ծրագիր՝ գալիք տարվա համար:
Հիշեցնենք, որ մեր բուհի շարունակական և լրացուցիչ կրթության կենտրոնի կազմակերպած վերապատրաստման դասընթացները «Տեղեկատվական տեխնոլոգիաները կառավարման համակարգում» խորագրով էին:
Շնորհավորում ենք վերապատրաստված քաղծառայողներին, մաղթում հաջողություններ:
ՀՊՏՀ Լրատվության և հասարակայնության հետ կապերի բաժին