Պարային ֆլեշմոբ՝ ֆինանսական ֆակուլտետի ՈւԽ նախաձեռնությամբ

Դիտումների քանակ՝ 726

ՀՊՏՀ բակում երկար դասամիջոցն այսօր վերածվել էր փոքրիկ տոնի. բուհի տարբեր ֆակուլտետների ուսանողներին համախմբել էր ֆինանսական ֆակուլտետի ուսանողական խորհրդի կազմակերպած ֆլեշմոբը: Ֆինանսական ֆակուլտետին նվիրված երգի  կենդանի կատարման ներքո պարեցին նշված ֆակուլտետի  ուսանողուհիները: Ֆլեշմոբին հետևում էին նաև բուհի աշխատակիցները:

ՀՊՏՀ լրատվության և հասարակայնության հետ կապերի բաժնի հետ զրույցում ֆինանսական ֆակուլտետի ուսանողական խորհրդի նախագահ Անի Սարգսյանն ասաց, որ ցանկացել են մի  փոքրիկ միջոցառմամբ գարնանային  այս գեղեցիկ օրը ուսանողների համար հետաքրքիր դարձնել:

«Հատուկ այսօրվա համար փոխել էինք երգի բառերը և այն (երգը) նվիրել ֆինանսական ֆակուլտետին. երգը կենդանի կատարում էին մեր ֆակուլտետի ուսանողուհիներ Սվետլաննա Գևորգյանը և Մարուսյա Հովհաննիսյանը: Ֆակուլտետում տաղանդավոր՝ երգող, պարող  ուսանողներ շատ ունենք և նրանց շնորհիվ  ցանկանում ենք հաճախակի  ուրախ պահեր նվիրել բոլոր  ուսանողներին»,-նշեց Անի Սարգսյանը:

ՀՊՏՀ Լրատվության և հասարակայնության հետ կապերի բաժին