Ուսանողական գիտաժողովի այսօրվա նախատեսված ելույթներն ավարտվեցին. մրցատյանի գնահատմամբ՝ հնչեցին հետաքրքիր զեկուցումներ

Դիտումների քանակ՝ 778

ՀՊՏՀ-ում այսօր առավոտյան մեկնարկած «ՀՀ կապիտալի շուկան. արդի հիմնախնդիրները և զարգացման հեռանկարները» խորագրով ուսանողական  գիտաժողովը շարունակվեց ժամը 14.00-ից: Այսօր ընդհանուր թվով հնչեց ինը զեկուցում, որից երկուսը՝ ոչ մրցութային, յոթը՝ մրցութային:

Գիտաժողովը շարունակեց իր աշխատանքը. ուսանողուհի  Մարիամ Հովհաննիսյանը հանդես եկավ «Ներդրումային փաթեթի կառավարման հիմնախնդիրները ՀՀ առևտրային բանկերում» զեկուցմամբ: Հաջորդիվ  Սոնա Ներսիսյանը ներկայացրեց «Հիպոթեքային պարտատոմսերի  շուկայի զարգացման հեռանկարները ՀՀ-ում» զեկուցումը: «Կորպորատիվ պարտատոմսերի շուկայի զագացման հեռանկարները ՀՀ կապիտալի շուկայում»  զեկուցմամբ հանդես եկավ Աննա Աղաջանյանը, «Բաժնետոմսերի նախնական հրապարակային առաջարկը և դրա իրականացման նախադրյալները ՀՀ-ում» զեկուցմամբ՝ Սամվել Պետրոսյանը: Մարիամ Թունյանի և Տիգրանուհի Աղաջանյանի կողմից հնչեցին համապատասխանաբար «Ներդրումային ֆոնդերի գործունեությունը որպես երկար փողերի ստեղծման գործոն» և «ԵՏՄ-ին անդամակցությունը որպես ՀՀ կապիտալի շուկայի զարգացման գործոն» զեկուցումները:

Ուսանողներից յուրաքանչյուրը կատարել էր խորը վերլուծություն, առանձնացրել վիճակագրական տվյալներ, կատարել համեմատական վերլուծություն, վերհանել համապատասխան ոլորտում առկա խնդիրները, ներկայացրել եզրակացություններ,  առաջարկներ:

Գիտաժողովի մրցատյանի գնահատմամբ՝ հնչեցին հետաքրքիր զեկուցումներ, իսկ վաղը նրանք կընտրեն լավագույններին, որոնց սպասում են մրցանակներ:

Գիտաժողովը կշարունակվի վաղը և կամփոփվի վաղը:

Բոլոր զեկուցողներին մաղթում ենք հաջողություն:

ՀՊՏՀ Լրատվության և հասարակայնության հետ կապերի բաժին