ՀՊՏՀ-ում վերապատրաստվող քաղծառայողների 1-ին խմբի դասընթացներն ավարտվեցին. հանձնվեցին վկայականները

Դիտումների քանակ՝ 1001

Մեր բուհում անցկացվող ՀՀ քաղծառայողների վերապատրաստման դասընթացների առաջին խմբի՝ ապրիլի 7-ից մեկնարկած դասընթացներն ավարտվեցին այսօր. առաջատար և կրտսեր պաշտոններ զբաղեցնող երեսուն քաղծառայողներ ստացան վկայականներ:

Վկայականները վերապատրաստված  քաղծառայողներին  հանձնեց ՀՊՏՀ շարունակական և լրացուցիչ կրթության կենտրոնի առաջատար մասնագետ Աիդա Առուստամյանը:

Քաղծառայողներից շատերը շնորհակալական խոսքեր ասացին՝ ընդգծելով, որ ՀՊՏՀ-ում անցկացված տասնօրյա դասընթացները  և' օգտակար էին, և' հաճելի:

Ելույթ ունեցավ Էջմիածնի սոցիալական ապահովության տարածքային բաժնի պետի տեղակալ Շուշան Հովհաննիսյանը, ով իր երախտագիտությունը հայտնեց դասընթացները վարող դասախոսներին, կազմակերպիչներին:

ՀՊՏՀ լրատվության և հասարակայնության հետ կապերի բաժնի հետ զրույցում  Աիդա Առուստամյանը ասաց, որ վաղը կմեկնարկի քաղծառայողների  2-րդ խմբի դասընթացները:   

Շնորհավորում ենք մեր բուհում վերապատրաստված քաղծառայողներին, մաղթում գործնական հաջողություններ:

 


ՀՊՏՀ Լրատվության և հասարակայնության հետ կապերի բաժին


Նախորդ  նորություններն` այստեղ