Հյուրեր ՀՊՏՀ-ում
![](https://asue.am/images/1522143484/7e4d9c168e6477dbf86a3e1e.jpg)
Հայաստանի պետական տնտեսագիտական համալսարանի մարքեթինգի ամբիոնում այսօր հյուրընկալվել էին Չինաստանի Ժողովրդական Հանրապետության Վանթայ քաղաքի ներկայացուցիչներ, Չինաստանի պետական բարձր և նոր տեխնոլոգիաների տարածաշրջանային կառույցի տնօրեն Չժան Ժենչուժին և մի խումբ չինացիներ, ովքեր հետաքրքրրված էին Հայաստանի հետ տնտեսական, գիտական, ուսումնական բնագավառներում նոր համագործակցությամբ: Այցը ՀՊՏՀ ճանաչողական էր, հյուրերը նպատակ ունեին ծանոթանալու բուհի կրթական ծրագրերին, հետաքրքրվելու ուսանողների փոխանակության ծրագրերով:
ՀՊՏՀ մարքեթինգի ամբիոնի վարիչ, պրոֆեսոր Արարատ Զաքարյանը և նույն ամբիոնի դոցենտ Արմեն Ֆլջյանը հյուրերի հետ քննարկեցին համագործակցության հեռանկարները:
![](https://asue.am/images/1522143484/e7376bf3de34a83c57c4e676.jpg)
Չժան Ժենչուժինը առաջարկեց փոխադարձ այցելություն դեպի Չինաստան, ինչը հնարավորություն կտա ծանոթանալու երկրի տնտեսական, կրթական համակարգին, ուսումնական ծրագրերին, որից հետո՝ ձևավորել արդյունավետ համագործակցություն:
ՀՊՏՀ Լրատվության և հասարակայնության հետ կապերի բաժին