Կրթաթոշակի արժանացած ուսանողներն ստացան իրենց հավաստագրերը

Դիտումների քանակ՝ 699

ՀՊՏՀ նիստերի սրահում այսօր բուհի ուսանողական խորհրդի ներկայացուցիչները  ՀԵՀ-ի կողմից կրթաթոշակի արժանացած 1-ին կուրսեցիներին հանձնեցին կրթաթոշակի հավաստագրերը: ՈւԽ նախագահ Սերգեյ Խառատյանը, ողջունելով ուսանողներին, ընդգծեց, որ մեր բուհից նշված կրթաթոշակի համար դիմել են շուրջ 180 ուսանողներ,  նրանց 80 տոկոսն արժանացել է կրթաթոշակի:

Հավաստագրերն ուսանողներին հանձնեցին Սերգեյ Խառատյանը և ՈՒԽ այլ ներկայացուցիչներ: Վերջիններս կարևորեցին ուսանողների բարձր առաջադիմությունը, հասարակական ակտիվությունը: ՈւԽ փոխնախագահ Գրիշա Ամիրխանյանը հույս հայտնեց, որ այս մրցույթում հաղթանակը է'լ ավելի կմեծացնի ուսանողների պատասխանատվությունը  ուսման հանդեպ:

Հիշեցնենք, որ մրցույթը հայտարարվել էր հայաստանյան պետական բուհերի առկա ուսուցման բակալավրիատի 1-ին կուրսի անվճար համակարգում չընդգրկված ուսանողների համար։ ՀՊՏՀ 113 ուսանող նշված մրցույթում արժանացել է կրթաթոշակի, այդ թվում՝ 8-ը Եղեգնաձորի, 4-ը Գյումրու մասնաճյուղերից:

Եվս մեկ անգամ շնորհավորում ենք կրթաթոշակի արժանացածներին, մաղթում հաջող ուսումնառություն:

ՀՊՏՀ Լրատվության և հասարակայնության հետ կապերի բաժին