Ֆոկուս խմբի հանդիպում՝ «Կրթության մոտիվացիա» գիտաուսումնական խմբի նախաձեռնությամբ
«Կրթության մոտիվացիա» գիտաուսումնական խմբի հետազոտական աշխատանքների շրջանակներում այսօր կազմակերպվել էր ֆոկուս խմբի հանդիպում, որին մասնակցել են ՀՊՏՀ տարբեր ամբիոններից հրավիրված դասախոսներ:
Ինչպես լրատվության և հասարակայնության հետ կապերի բաժնին տեղեկացրեց «Կրթության մոտիվացիա» գիտաուսումնական խմբի ղեկավար, տ.գ.թ., դոցենտ Մերի Բադալյանը՝ քննարկումը նվիրված է եղել պրոֆեսորադասախոսական կազմի մոտիվացիայի հարցերին:
«Նպատակն էր քննարկման արդյունքում արձանագրել արդյունքներ, որոնց օգնությամբ հնարավոր կլինի մեր աշխատանքում որոշակի եզրահանգումներ անել: Քննարկումն իր ձևաչափով յուրօրինակ էր, այդ մասին նշեցին նաև հրավիրված դասախոսները: Որպես խմբի ղեկավար, նշեմ, որ այսօրվա ֆոկուս խումբը բավականին արդյունավետ էր»,-նշեց Մերի Բադալյանը:
Հավելենք, որ սույն գիտաուսումնական խմբի կազմն է՝ տ.գ.թ., դոցենտներ Մերի Բադալյան (ղեկավար), Լիլիթ Դադայան, Մարինե Նիկողոսյան, մագիստրանտներ Լուսինե Հովհաննիսյան, Ասյա Պետրոսյան, Անի Հովհաննիսյան: Գիտաուսումնական խմբի աշխատության թեման է՝ «Մոտիվացիայի բարձրացման հիմնախնդիրները բարձրագույն կրթության ոլորտում»:
ՀՊՏՀ Լրատվության և հասարակայնության հետ կապերի բաժին