Քննություններն ավարտվել են, ՀՊՏՀ-ում սկսվել են վերահանձնումները
![](/images/view/w_/537201261a22c4aaf88b2a97.jpg)
Հայաստանի պետական տնտեսագիտական համալսարանում քննություններն ավարտվել են, այսօրվանից սկսվել է ուսանողների ակադեմիական պարտքերի վերահանձնման գործընթացը: Ուսումնակազմակերպական աշխատանքների գծով պրոռեկտոր Միհրդատ Հարությունյանի տեղեկացմամբ՝ այսօր վերահանձնումներ կանցկացվեն 19 առարկաներից:
Ակադեմիական պարտքերի վերահանձնման գործընթացի առաջին փուլը կտևի հունվարի 30-ից փետրվարի 6-ը, իսկ երկրորդ փուլը կկազմակերպվի փետրվարի 13-20-ը:
ՀՊՏՀ լրատվության և հասարակայնության հետ կապերի բաժնի հետ զրույցում պրոռեկտոր Միհրդատ Հարությունյանը նշեց, որ քննություններն անցել են հավուր պատշաճի, քննագրաֆիկներին համապատասխան, արտառոց դեպքեր չեն գրանցվել:
![](/images/view/w_/acc7c2e5d143341120b20c9b.jpg)
![](/images/view/w_/cb79aac3a6b281545cdd2e06.jpg)
Ի գիտություն առաջին կուրսեցիների՝ պրոռեկտորը նշեց, որ ոչ միայն առաջին, այլև մյուս կուրսերի ուսանողները 2-րդ կիսամյակի մեկնարկից սկսած կարող են դիմել համապատասխան դեկանատներ՝ ուսման վճարի մասնակի փոխհատուցում ստանալու նպատակով: Անհրաժեշտ փաստաթղթերի և մանրամասն տեղեկությունների համար կարող եք դիմել դեկանատներ:
Մինչ դասերի մեկնարկը մնացել են հաշված օրեր, մաղթում ենք հաճելի հանգիստ:
ՀՊՏՀ Լրատվության և հասարակայնության հետ կապերի բաժին