Ֆուտբոլային տոն՝ ՀՊՏՀ ինքնատիպ ամֆիթատրոնում
Հայաստանի պետական տնտեսագիտական համալսարանի գեղատեսիլ բակը ուսանողների ուրախ ժամանցի հերթական կանգառն էր նաև երեկ: ՀՊՏՀ ինքնատիպ ամֆիթատրոնը համախմբել էր ֆուտբոլասեր ՀՊՏՀ-ականներին. Դանիա-Հայաստան ֆուտբոլային խաղին հետևելու, Հայաստանի ազգային հավաքականին երկրպագելու էին եկել ոչ միայն ուսանողներ, այլև պրոֆեսորադասախոսական կազմի ներկայացուցիչներ՝ ՀՊՏՀ ռեկտոր Կորյուն Աթոյանի գլխավորությամբ:
Նշենք, որ հանդիպումը կազմակերպվել էր ՀՊՏՀ ուսանողական խորհրդի Ֆուտբոլասերների ակումբի և Հայաստանի ֆուտբոլի ազգային հավաքականի պաշտոնական Ֆան-ակումբի նախաձեռնությամբ: Համալսարանականների ոգևորությունը, ՀՊՏՀ բակի, ամֆիթատրոնի տրամադրող մթնոլորտը ստեղծել էին իսկական տոն:
Հ.Գ. Լուսանկարները՝ ՀՊՏՀ ՈւԽ-ից:
ՀՊՏՀ Լրատվության և հասարակայնության հետ կապերի բաժին