Ամփոփվեց «Ուսանողական գարուն-2014»-ը. հայտնի է ՈւՀԱ հաղթողը (լուսանկարներ)
ՀՊՏՀ հանդիսությունների սրահում այսօր գեղեցիկ միջոցառմամբ ամփոփվեց «Ուսանողական գարուն -2014» մշակութային մրցույթ-փառատոնը: Միջոցառմանը երգով ու պարով ելույթ ունեցան համալսարանի տաղանդավոր ուսանողները: Ելույթների ավարտից հետո մրցատյանի որոշմամբ հայտնի դարձան երգի ու պարի մրցույթներում 1-3 տեղերը զբաղեցրած ֆակուլտետները, հաղթողներին հանձնվեցին պատվոգրեր: Մրցանակները բաշխվեցին հետևյալ կերպ՝ պարի մրցույթում 1-ին տեղը զբաղեցրեց հաշվապահական հաշվառման և աուդիտի ֆակուլտետը, 2-րդ տեղը՝ մարքեթինգի և բիզնեսի կազմակերպման ֆակուլտետը, 3-րդ տեղը՝ ՏԿ և ՄՏՀ ֆակուլտետը:
Երգի մրցույթում մրցանակակիրներ դարձան (1-3 տեղեր) համապատասխանաբար ՏԿ և ՄՏՀ, մարքեթինգի և բիզնեսի կազմակերպման, հաշվապահական հաշվառման և աուդիտի ֆակուլտետները:
Միջոցառման ավարտին հայտարարվեցին ՈւՀԱ ՝ տարբեր անվանակարգերում հաղթած թիմերի անունները: «Լավագույն երաժշտական համար» անվանակարգում հաղթեց ինֆորմատիկայի և վիճակագրության ֆակուլտետը, «Հանդիսատեսի համակրանք» անվանակարգում՝ կառավարման ֆակուլտետը, «Լավագույն հումոր» անվանակարգում հաղթեց ֆինանսական ֆակուլտետը, իսկ գլխավոր մրցանակը հանձնվեց մարքեթինգի և բիզնեսի կազմակերպման ֆակուլտետին «Լավագույն ծրագիր» անվանակարգում. հաղթող ֆակուլտետին շնորհվեց նաև «Բիատլոն» անվանակարգը:
Նոր՝ «Տարվա հայտնություն» անվանակարգում հաղթողներ ճանաչվեցին Լիլիթ Մելիքյանը (ՏԿ և ՄՏՀ ֆակուլտետ) և Վիգեն Հարությունյանը (հաշվապահական հաշվառման և աուդիտի ֆակուլտետ):
Այսպիսով, ամփոփվեց ևս մեկ «Ուսանողական գարուն» : Փառատոնի մասնակիցները երեք օր՝ մայիսի 26-ին, 27-ին և 29-ին, դրական հույզեր ու լիցքեր պարգևեցին ՀՊՏՀ-ականներին՝ հարստացնելով ուսանողական տարիների հիշարժան պահերը:
Շնորհավորում ենք բոլոր հաղթողներին:
ՀՊՏՀ Լրատվության և հասարակայնության հետ կապերի բաժին