ՀՊՏՀ մարզադահլիճում ընթանում են վոլեյբոլի հանրապետական խաղերը

Դիտումների քանակ՝ 1817

ՀՊՏՀ մարզադահլիճը ուսանողական 15-րդ մարզական խաղերի շրջանակներում  հյուրընկալել է  հայաստանյան մի շարք պետական բուհերի ներկայացուցիչների, մարզասերների: Երեկ Խուլ ու համրերի կենտրոնի մարզադահլիճում մեկնարկած վոլեյբոլի աղջիկների խաղերը շարունակվում են Հայաստանի պետական տնտեսագիտական համալսարանում: Այսօրվա խաղերում առաջինը հանդես եկան Հայ-ռուսական (Սլավոնական) և Հայաստանի պետական մանկավարժական  համալսարանների թիմերը, խաղն ավարտվեց հօգուտ Հայ-ռուսական համալսարանի:

Նշենք, որ ըստ հաստատված  խաղացանկի` այսօր  կայացան և դեռ ընթացքի մեջ են Հայ- ռուսական (Սլավոնական) և Մանկավարժական,  Բժշկական և Լեզվաբանական, Երևանի Պետական և Ֆրանսիական, Տնտեսագիտական և Արցախի պետական համալսարանների թիմերի հանդիպումները:

Ըստ ժամանակացույցի՝ վոլեյբոլի ուսանողական խաղերը մեր բուհում կշարունակվեն մինչև ապրիլի 26-ը (ապրիլի 14-19-ը՝ աղջիկների, 21-26-ը՝ տղաների խաղերը):

Առաջիկա  լրահոսում կանդրադառնանք խաղերի արդյունքներին: Բոլոր թիմերին մաղթում ենք հաջողություններ և արդարացի խաղ:

ՀՊՏՀ Լրատվության և հասարակայնության հետ կապերի բաժին