Մենք հպարտ ենք մեր ուսանողով. շնորհակալական նամակ
Սիրելի ուսանողներ, գործընկերներ, այցելուներ, մեր բուհի ուսանողներով հպարտանալու հերթական առիթն ունենք: ՀՀ ՊՆ N զորամասի հրամանատարական կազմից մեր համալսարանի ռեկտորին է ուղղվել ևս մեկ շնորհակալական նամակ:
Կորյուն Աթոյանին ուղղված նամակում նշվում է, որ Տնտեսագիտական համալսարանի հաշվապահական հաշվառման և աուդիտի ֆակուլտետի ուսանող Նարեկ Մանուկի Մանուկյանը, ծառայելով ՀՀ Զինված ուժերում, պատվով է կատարում իր սրբազան պարտքը, զինվորական երդումը, ազնվորեն ու անմնացորդ նվիրված է մեր հայրենիքի պաշտպանության գործին:
ՀՀ ՊՆ N զորամասի հրամանատար Ռ. Բեգլարյանի ու ԱՀՏԱ գծով տեղակալ Հ. Մելյանի հավաստմամբ՝ կրտսեր սերժանտ Ն.Մ. Մանուկյանն աչքի է ընկնում ազնվությամբ, բարեխղճությամբ, կարգապահությամբ և կամքի ուժով: Նա բարձր է պահում հայ ռազմիկի պատիվը, միշտ պատրաստ է հայրենիքի սահմանների պաշտպանությանը:
ՀՊՏՀ Լրատվության և հասարակայնության հետ կապերի բաժին