ՀՊՏՀ-ում ներկայացվեց «Գլոբալ Յուգրեդ» ծրագիրը
ՀՊՏՀ նիստերի սրահում այսօր կայացավ հանդիպում՝ ուսանողների և «Միջազգային հետազոտությունների և փոխանակման խորհուրդ» («Irex») կազմակերպության կրթական ծրագրերի պատասխանատու Սոնա Մատինյանի հետ, որը ներկայացրեց «Եվրասիայի և Միջին Ասիայի ուսանողների փոխանակման համաշխարհային ծրագիրը (Գլոբալ Յուգրեդ)»: Նշենք, որ մեր ուսանողների հետաքրքրվածությունը բավականին մեծ էր:
«Irex»-ի ներկայացուցիչը նախ խոսեց կազմակերպության մասին՝ ներկայացնելով գործունեությունը, նպատակները, առաքելությունը և այլն, ապա՝ նշված ծրագիրը, դրան դիմելու ընթացակարգն ու այլ մանրամասներ:
Ինչպես նշեց Սոնա Մատինյանը, ծրագրի շրջանակներում ուսանողները հնարավորություն կունենան մեկ կիսամյակ սովորելու ԱՄՆ-ի համալսարաններում կամ համայնքային քոլեջներում: Ծրագիրը կմեկնարկի օգոստոսին և նույն ամսվա ընթացքում ընտրված ուսանողներն արդեն կմեկնեն ԱՄՆ: Ծրագրի ներկայացուցչի խոսքով՝ կազմակերպությունը կհոգա ուսանողների բոլոր ֆինանսական ծախսերը՝ ներառյալ ուղևորավճարը: Կընտրվեն այն ուսանողները, ովքեր կունենան համապատասխան գիտելիքներ:
Ծրագրի հետ կապված բոլոր մանրամասներին, ինչպես նաև հայցադիմումին կարող եք ծանոթանալ irex.am կայքից, կամ դիմել կազմակերպության գրասենյակ՝ Պարոնյան 8 հասցեով: Ծրագրին կարող են դիմել միայն առկա համակարգում սովորող ուսանողները:
Հիշենցենք, որ ծրագրին դիմելու վերջնաժամկետն է 2014թ. փետրվարի 28-ը, ժամը 1700-ը:
Վերջում կազմակերպության ներկայացուցիչը պատասխանեց ուսանողների հարցերին:
Բոլորին մաղթում ենք հաջողություն:
ՀՊՏՀ Լրատվության և հասարակայնության հետ կապերի բաժին