Նոր տարին` աշխատանքային նոր լիցքերով. սկսվել է նաև քննաշրջանը

Հարգելի այցելուներ, գործընկերներ, ուսանողներ, այսօր 2014 թվականի առաջին աշխատանքային օրն է: ՀՊՏՀ ղեկավարությունը, համալսարանի բոլոր ստորաբաժանումները, այդ թվում` լրատվության և հասարակայնության հետ կապերի բաժինը, վերադարձել են` կատարելու իրենց աշխատանքային պարտականությունները:

Այսօր համալսարանում սկսվել է 2013-2014 ուսումնական տարվա առաջին կիսամյակի քննարշրջանը, որին մասնակցում են բակալավրիատի և մագիստրատուրայի առկա և հեռակա կրթաձևերի ուսանողները: Հիշեցնենք, որ առկա կրթաձևերում ստուգարքներն անցկացվել են դեկտեմբերի 23-ից 28-ը, իսկ  բակալավրիատի և մագիստրատուրայի հեռակա կրթաձևերի ուսանողները ստուգարքներ և քննություններ կհանձնեն ընթացիկ օրերին: Քննաշրջանը կավարտվի հունվարի 30-ին:

Բոլոր ուսանողներին մաղթում ենք հաջողություն, բարձր գնահատականներ:

Սիրելի գործընկերներ, ուսանողներ, հուսով ենք` 2014 թվականին մեր սիրելի համալսարանը, նրա դասախոսները, աշխատակիցները, ուսանողները կունենան անթիվ-անհամար հաջողություններ, ձեռքբերումներ: Այդ ամենի օպերատիվ ու համակողմանի լուսաբանումը, հասարակությանը տեղեկատվության տրամադրումը կշարունակեն լինել մեր կարևոր նպատակն ու խնդիրը:

Այսօրվանից դուք իրազեկ կլինենք գալիք օրերի կարևոր իրադարձությունների մասին:

Բարի երթ նոր աշխատանքային տարում:

 ՀՊՏՀ Լրատվության և հասարակայնության հետ կապերի բաժին