Մեկնարկեց ՈւՀԱ (КВН) մրցույթը
Ժպիտներ ու ծիծաղ, պաստառներ, փուչիկներ, ուսանողների հոծ բազմություն ու միմիայն բարձր տրամադրություն. այսպիսին էր այսօր ՀՊՏՀ մեծ դահլիճը:
Մեկնարկեց ՀՊՏՀ ՈւՀԱ (ուրախների և հնարամիտների ակումբ) մրցույթը, որին մասնակցում են բուհի բոլոր ֆակուլտետները:
Այսօրվա մրցույթում ելույթ ունեցան երեք՝ ֆինանսական, կառավարման, հաշվապահական հաշվառում և աուդիտի ֆակուլտետների թիմերը:
Միջոցառման սկզբում ՈւԽ ներկայացուցիչները պատվոգրեր հանձնեցին «Ուսանողական աշուն-2013» մարզամշակութային փառատոնում մարզական խաղերում մրցանակային տեղեր զբաղեցրած ֆակուլտետներին, իսկ գիտակների թիմին պատվոգրեր հանձնեց թիմի ավագ Հարություն Արզումանյանը:
Միջոցառմանը մասնակցում էին ոչ միայն ուսանողները, այլև պրոֆեսորադասախոսական կազմի ներկայացուցիչներ, աշխատակիցներ: ՈւՀԱ-ականների ուշագրավ ելույթները լիաթոք ծիծաղ և ուրախ պահեր պարգևեցին թե' ուսանողներին, թե' դասախոսներին:
Թիմերից յուրաքանչյուրն ինքնատիպ լուծումներով և ստեղծագործությամբ ներկայացրեց այսօրվա կյանքն ու իրականությունը՝ հումորի միջոցով մերժելով հասարակության արատավոր երևույթները: Ելույթների թեմատիկան բազմազան էր ու արդի: ՀՊՏՀ ՈւՀԱ-ի ելույթների սիրված ու հետաքրքիր լինելու մասին փաստում էին լեփ-լեցուն դահլիճն ու ուսանողների մեծ ոգևորվածությունը.
Նշենք, որ ՈւՀԱ մրցույթը կշարունակվի վաղը, հանդես կգան մյուս 3 ֆակուլտետների թիմերը:
ՀՊՏՀ Լրատվության և հասարակայնության հետ կապերի բաժին