ՀՊՏՀ Եղեգնաձորի մասնաճյուղը կազմակերպում է 2-րդ հանրապետական գիտաժողովը

Դիտումների քանակ՝ 776

ՀՊՏՀ Եղեգնաձորի մասնաճյուղը կազմակերպում է 2-րդ հանրապետական գիտաժողովը՝ «Մարզերի զարգացման սոցիալ-տնտեսական հիմնախնդիրները Հայաստանի  Հանրապետությունում» թեմայով: Այն տեղի կունենա 2013թ. դեկտեմբերի 14-ին, ՀՊՏՀ Եղեգնաձորի մասնաճյուղում (ք. Եղեգնաձոր, Վայքի 4): Գիտաժողովի նյութերը կհրատարակվեն գիտական հոդվածների չափանիշներին համապատասխան ժողովածուի տեսքով և կտրամադրվեն հոդվածների հեղինակներին: Այս մասին հայտնում են ՀՊՏՀ Եղեգնաձորի մասնաճյուղի տնօրինությունից՝ շեշտելով, որ գիտաժողովին ներկայացված աշխատանքները պետք է համապատասխանեն հետևյալ չափանիշներին.

-հայերենը՝ Sylfaen, անգլերեն և ռուսերենը՝ Times New Roman տառատեսակով (տառաչափը՝ 12, տողային հեռավորությունը՝ 1.5, ձախից՝ 3 սմ, աջից՝ 1.5 սմ, վերևից՝ 2 սմ, ներքից՝ 2 սմ, հղումները՝ տեքստում, հոդվածի վերնագիրը՝ մեծատառերով, 12 տառաչափով):

-Տողի կենտրոնում շեղատառերով տպել հոդվածի վերնագիրը, որից 2 տողա­չափ ներքև՝  հե­ղինակի ազգանունն ու անունը, գիտական աստիճանը և կոչու­մը, հաջորդ տողում՝ կազ­մակերպության անվանումը, իսկ 2 տողաչափ ներքև տեքստը` 1 սմ խորքից պարբերությամբ։

-Առանձնացնել հիմնաբառեր, վերջում` հայերեն, անգլերեն և ռուսերեն ամփոփում:

-Վերոնշյալ չափանիշներով տեքստը չպետք է գերազանցի 8 էջ ծավալը:

-Գիտական հոդվածը պետք է երաշխավորված լինի տպագրության համապա­տաս­խան գիտական ստորա­բաժան­ման կողմից:

-Պարունակի սպառիչ տեղեկություններ հեղինակ(ներ)ի մասին (ազգանուն, անուն, հայրանուն, գիտական աստիճան, կոչում, էլեկտրոնային հասցե, հեռախոսահամար):

Տեղեկությունների  համար  գրել sos.khachikyan@gmail.com էլեկտրոնային հասցեով  կամ  զանգահարել 094 440 430 հեռախոսահամարով (Սոս Խաչիկյան):

ՀՊՏՀ Լրատվության և հասարակայնության հետ կապերի բաժին